Qalalyq bilim basqarmasynyń basshysy «Shymkent Jastar Lıgasy» jarysynyń ótilý barysy jóninde baıandady.
Memleket basshysynyń tapsyrmasyna sáıkes jastardyń bos ýaqytyn tıimdi paıdalaný, salaýatty ómir saltyn nasıhattaý, buqaralyq sportty damytý maqsatynda osy jyldyń naýryz-maýsym aılary aralyǵynda «Shymkent Jastar Lıgasy» jarystary sporttyń 4 túrinen (fýtbol, voleıbol, basketbol, shahmat) ótkizilýde.
Ár aýdanǵa qarasty mektepter tórt topqa bólinip, naýryz-mamyr aılarynda ózara synasyp, top jeńimpazdaryn anyqtaıdy. Aýdandardaǵy oıyndardan soń óz tobynan jeńimpaz bolyp shyqqan 16 mekteptiń komandalary mamyr aıynda1/8 fınalda oıyndardy jalǵastyrady. Basketbol, voleıbol, fýtbol jarystarynyń jeńimpazdary maýsym aıynda Qala kúni merekesinde marapattalady.
Al shahmat jarysy qyrkúıek aıynda bastaý alady. Sonymen birge, óz mektebiniń komandasyna jiger berip, rýhyn kóterý maqsatynda mektep janynan fan-klýbtar quryldy.
Qazirgi ýaqytta Ál-Farabı aýdanynda voleıbol jáne fýtbol jarystary, Eńbekshi aýdanynda basketbol jarystary ótýde.
10 sáýirge deıin fýtboldan 27 mektep komandasy ózara oınady, 108 mektep komandalary oıyndy endi bastaıdy. Basketboldan 94 komanda oıyn ótkizdi, 36 mektep komandasy endi oınaıdy. Voleıboldan 96 komanda oıyn ótkizdi, 35 komanda endi bastaıdy. Shahmattan 140 mektep komandasy qyrkúıek aıynda jarysty bastaıdy.
- Pandemııa densaýlyq qadirin uǵyndyrdy. Perezıdent tapsyrmasyna sáıkes qalada buqaralyq sportty damytýymyz kerek. Bul maqsatta qolǵa alynǵan Jastar Lıgasynyń mańyzy zor. Jastar arasynda sportty dáripteýdi odan ári jetildire túsý qajet,- dedi qala basshysy.
Shymkent qalasy ákimdiginiń baspasóz qyzmeti
