Shymkentte jyl basynan beri 246 múmkindigi shekteýli azamat «Eńbek» baǵdarlamasynyń belsendi is-sharalaryna qatysty. Onyń ishinde 171 adam ýaqytsha jumyspen qamtylsa, múgedektigi bar 73 azamat turaqty jumysqa ornalastyryldy. «Bıznes bastaý» kásipkerlik negizderi oqytý kýrsyna 2 adam joldanǵan.
Qamkóńil jandar jeke kásipterin ashyp, eńbektenýge degen qulshynystaryn da kórsete bildi. 3 adam shaǵyn nesıe jáne 29 azamat memlekettik grant alǵan. 100 adam «Bastaý bıznes» oqý kýrsynan ótti. Jalpy, jyl sońyna deıin 712 múmkindigi shekteýli azamatty jumyspen qamtý josparlanýda.
Qalalyq jumyspen qamtý ortalyǵy mamandarynyń málimetinshe, Shymkentte byltyr múgedektigi bar 1071 adam «Eńbek» baǵdarlamasynyń sharalaryna qatysqan. Atap aıtqanda, qysqa merzimdi kásiptik oqytý kýrstarynda 153 adam oqytylyp, turaqty jumysqa 509 adam ornalastyrylǵan. Áleýmettik jumys, jastar praktıkasy men aqyly qoǵamdyq jumyspen ýaqytsha jumys oryndaryna 277 azamat joldandy.
Shymkent qalasy ákimdiginiń baspasóz qyzmeti
