Shymkenttik stýdent Dastan Ómirzaq – «QR kolledjderiniń TOP 100 stýdenti» respýblıkalyq jobasynyń jeńimpazy.
Bilim jáne ǵylym mınıstrligi 2020 jyldyń qorytyndysy boıynsha kolledj shákirtteriniń arasynda respýblıkalyq jobany uıymdastyrǵan bolatyn. Jobanyń maqsaty – ár óńirdiń úzdik stýdentterin anyqtaý.
Atalmysh jobaǵa qatysý úshin shákirtter 3 irikteý kezeńinen ótken. Birinshi kolledj ishilik bolsa, keıinnen aımaqtyq deńgeıde de synaldy. Al respýblıkalyq kezeńge jetkender onlaı daýys berý arqyly anyqtalǵan.
Dastan qazirgi tańda M.Ótebaev atyndaǵy joǵary jańa tehnologııalar kolledjinde «Ǵımarattar men qurylymdardy salý jáne paıdalaný» mamandyǵy boıynsha 4 kýrsta bilim alýda. Kásibı biliktilikterin únemi jetildirip júrgen bolashaq maman. Plıtka japsyrý, sylaq jumystaryn is-tájirıbede óte sapaly, uqypty oryndaıdy.
Qalalyq WorldSkills chempıonatynda «Plıtka qaptaý» quzyrettiligi boıynsha jeńimpaz atanǵan. Kolledjishilik debat, eriktiler klýbynyń belsendi múshesi. Jaýapty, alǵyr bolashaq maman stýdentterdi is-tájirıbeden ótkizetin áleýmettik seriktester tarapynan da joǵary baǵaǵa ıe boldy.
Shymkent qalasy ákimdiginiń baspasóz qyzmeti
