Shymkentte bıylǵy jyly 8 turǵyn alabyna gaz qubyryn tartý jumystary bastalyp, 5-niń qurylysy aıaqtalady. Osynyń esebinen 11 myńǵa jýyq turǵyn gazben qamtylyp, kórsetkish 93 paıyzǵa jetedi.
Bıylǵy jyly Altyntóbe, Badam 195, Dostyq, Asar-2 jáne Azat turǵyn alabtarynyń qurylysy aıaqtalady. Búginde Altyntóbede gaz qubyryn tartý jumystary 90 paıyzǵa oryndalsa, Asar-2 shaǵyn aýdanynda jumystyń 40 paıyzy aıaqtalyp otyr.
Jalpy qaladaǵy 81 eldi mekenniń 40-y tabıǵı gazben qamtylsa, 33-i jartylaı, al qalǵan 8 eldi meken turǵyndarynyń kógildir otynǵa qoly jetpeı otyr. Qala turǵyndaryn tabıǵı gazben qamtý maqsatynda 2021 - 2025 jyldarǵa arnallǵan damý josparyna sáıkes, eldi mekenderdiń ishki júıeler qurylysyn júrgizý josparlanýda. 2023 jyly qalada gazben qamtý kórsetkishi 100 paıyzǵa jetedi.
Sonymen qatar, qalada №3 avtomatty gaz-rettegish stanııasynyń jáne 58 shaqyrymdy quraıtyn gaz qubyrynyń qurylysy salynýda.
Shymkent qalasy ákimdiginiń baspasóz qyzmeti
