Alyp Almattyń taǵy bir rekordy Gınneske endi

804

«Qazaq tıtan» taǵy da tańqaldyrdy. Kópshilik arasynda Qajymuqan atanyp ketken Almat Jumanov bul joly taǵy bir rekord qoıdy, dep habarlaıdy "Adyrna" ulttyq portaly.

Arqasyna 280 keli túıeni kótergen alyp, 4 tonna 68 keli bolatyn úsh kólikti 13 metr jerge deıin súırep gınnes kitabyna óz atyn qaldyrdy. Mundaı ádisti alǵash ret ózi oılap tapqan. Túıe kóterý qalypty bolǵannan keıin, osyndaı jańa áreketke bardym dep otyr. Bul joly Almas bir aıǵa jýyq daıyndalǵan eken.

Esterińizge sala keteıik, Almat buǵan deıin 108 tonnalyq poıyz vagondaryn tartyp rekord qoıǵan bolatyn.

Sonymen qatar Aıdyn Nurjumauly da eldi eleń etkizer ádispen kólik tartyp óz atyn rekordtar kitabyna qaldyrdy. Tós súıegine ilgish ilip nemis avtomobılin 63 metr jerge súıregen azamat bul ádis úshin talaı eńbek etkenin de atap ótti. Óıtkeni, tós súıegimen nebári 10-15 keli salmaqty ǵana tartýǵa bolady eken.

Osylaısha, qazaqtyń qos alyby óz esimderin gınnes kitabyna jazyp, endi jańa belesterdi baǵyndyrý úshin ary qaraı da shynyǵa beremiz dep otyr.

Ońǵar QABDEN,

"Adyrna" ulttyq portaly

Pikirler
Uqsas jańalyqtar