Qyzylordalyq Kamilla Serıkbai 5 mamyrda AQŞ-qa «Älem Aruy» baiqauynyŋ finalyna daiyndaluǧa barady, dep habarlaidy "Adyrna" ūlttyq portaly.
Ol bırneşe ai boiy finalǧa tyŋǧylyqty daiyndaldy. Eŋ jarqyn sätter öz elı turaly tanystyrylym video tüsırılgen alaŋda boldy. «Älem Aruynda» alǧaş qola däuırınıŋ 2 myŋnan asa petroglifı bar Taŋbaly şatqaly, IýNESKO-nyŋ Düniejüzılık mūra obektısı ūsynylatyn bolady.
«Menıŋ Qazaqstanym - şöl men kölderden bastap, mūz basqan jetımyŋdyqtarǧa deiıngı erekşe ärı qaitalanbas tabiǧat. Būl - taulary Almarasan şatqaldaryndaǧydai möldır taza suy bar jüzdegen özen. Būl ejelgı dästür qūpiiasy – bürkıtpen aŋ aulau, jabaiy jyrtqyştyŋ adamǧa tolyǧymen senıp, oǧan oljasyn beruı. Bıraq menıŋ halqymdy sipattaityn basty söz - ol «qonaijailyq». Qazaqtardyŋ özı köşpendı halyq retınde saiahattap jürgen adamǧa as ūsynudyŋ maŋyzdy ekenın tüsınedı. Sondyqtan elım turaly tanystyrylym video kadrlarynda qazaqtyŋ dästürlı berekelı dastarhany da körsetıledı», - dep jazdy Kamilla Älem Aruy tanystyrylymyna.Kamilla Serıkbai Süleiman Demirel atyndaǧy universitettıŋ qūqyqtanu fakultetınıŋ bırınşı kurs studentı.
«Men taŋdauym osy mamandyqqa tüskenıne öte quanyştymyn, sebebı bolaşaqta qūqyq qorǧauşy bolyp, qūqyq boiynşa kömek qajet adamdarǧa qol ūşyn sozǧym keledı», - deidı ol.Ol 2019 jyly «Qyzylorda Aruy» konkursynda jeŋıske jetıp, «Qazaqstan Aruy» baiqauynyŋ finalynda öz qalasynyŋ namysyn qorǧady. Bırneşe tıldı jetık meŋgergen, onyŋ ışınde, türık jäne aǧylşyn tılderı bar. 13 jasynan karatemen ainalysady, sport şeberlıgıne ümıtker, qoŋyr belbeu iesı.
«Men osy baiqauda Qazaqstannyŋ namysyn qorǧau mümkındıgı berılgenıne öte quanyştymyn. Men jeŋıske qol jetkızu üşın bar küşımdı salamyn. Barşa qazaqstandyqqa qoldau bıldırgenı üşın jäne «Älem Aruy» baiqauynyŋ resmi qosymşasynda dauys bergenı üşın alǧys aitamyn», - dedı Kamilla.Final kezınde Kamilla «Kunkei» sän üiınıŋ Sabina Naurzalina ūsynǧan ūlttyq kiımın ūsynady. Odan bölek, keşkı körsetılım kezınde ol Sherri Hill gollivudtyq brendınıŋ köilegımen şyǧady. Byltyr koronavirus pandemiiasyna bailanysty keiınge qalǧan «Älem Aruy» baiqauy biyl «tırı» formatta 16 mamyrda Florida ştatynyŋ Hollivud qalasynda ötedı. Konkurs ūiymdastyruşylary finalda qauıpsızdık şarasyn saqtauǧa arnalǧan şaralardy bırneşe ai boiy jürgızdı. COVID-19 tarauyn boldyrmau üşın dünie jüzınen kelgen qatysuşylar mındettı türde karantinge jatqyzylyp, bırneşe ret, onyŋ ışınde, şou bastalar aldynda test tapsyrady, maska taǧu jäne äleumettık qaşyqtyq rejimı saqtalady.
"Adyrna" ūlttyq portaly
