Belgılı änşı Qaraqat Äbıldina eks-ministr Eljan Bırtanovty aiyptauǧa qarsy ekendıgı turaly Instagram jelısındegı paraqşasynda jazdy, dep habarlaidy «Adyrna» ūlttyq portaly.
«Jau alystan kelmeidı degen söz bar qazaqta. Kei jaǧdaidy körıp ışıŋ küigende būl sözben kelıspeske amalyŋ qalmaidy. Qolynan ıs keletın azamatty aiaqtan şalu, jala jauyp, küie jaǧu - qazaqtyŋ qanyna sıŋıp ketken baiaǧy qasietı. Aşy da bolsa şyndyq. Mūndaiǧa etımız de üirenıp kettı me, şımırıkpei jalany jauyp kelıp otyra beretın jūrtqa ainaldyq. Bügınde, qazaqtyŋ bır azamaty, bılıktı maman iesı Eljan Amantaiūly Bırtanov «japtym jala, jaqtym küie» degenge ketıp otyr.Özın tanimyz. Adaldyǧyn, azamattyǧyn bılemız. Äkesı de densaulyq salasyna eŋbegı sıŋgen qūrmettı adam. Sondai äkenıŋ asa qatal, qataŋ, myqty tärbiesımen ösken ūldyŋ ondai äreketke baratynyna senbeimız. Bırtanovtai azamattyŋ «kım jūmys jasaidy, sonyŋ aiaǧynan şalatyn ädeiı qastandyqtyŋ» jemtıgı bolyp ketpese eken degen tılek. Aidy etegıŋmen jasyra almaisyŋ, öz atyn jabu üşın bır jaqsyny qūrban etetın sūmyrai saiasat bar elımızde. Sol sūrqiia saiasattyŋ kezektı qūrbany retınde Bırtanovty közdep otyrǧanyn köp qazaq ışı sezıp, bılıp te otyr! Ünsız qaluǧa bolmaidy! Ūlyŋdy qorǧa, qolda Qazaq elı! Men Eljan Bırtanovty aiyptauǧa qarsymyn!» - dep jazdy Qaraqat Äbıldina.
"Adyrna" ūlttyq portaly
(foto oinet.kz saitynan)
