Tanymal ánshi Qaraqat Ábildına bılikke qarsy úndeý jasady

10523
Adyrna.kz Telegram

Belgili ánshi Qaraqat Ábildına eks-mınıstr Eljan Birtanovty aıyptaýǵa qarsy ekendigi týraly Instagram jelisindegi paraqshasynda jazdy, dep habarlaıdy «Adyrna» ulttyq portaly.

«Jaý alystan kelmeıdi degen sóz bar qazaqta. Keı jaǵdaıdy kórip ishiń kúıgende bul sózben kelispeske amalyń qalmaıdy. Qolynan is keletin azamatty aıaqtan shalý, jala jaýyp, kúıe jaǵý - qazaqtyń qanyna sińip ketken baıaǵy qasıeti. Ay da bolsa shyndyq. Mundaıǵa etimiz de úırenip ketti me, shimirikpeı jalany jaýyp kelip otyra beretin jurtqa aınaldyq. Búginde, qazaqtyń bir azamaty, bilikti maman ıesi Eljan Amantaıuly Birtanov «japtym jala, jaqtym kúıe» degenge ketip otyr.

Ózin tanımyz. Adaldyǵyn, azamattyǵyn bilemiz. Ákesi de densaýlyq salasyna eńbegi sińgen qurmetti adam. Sondaı ákeniń asa qatal, qatań, myqty tárbıesimen ósken uldyń ondaı áreketke baratynyna senbeımiz. Birtanovtaı azamattyń «kim jumys jasaıdy, sonyń aıaǵynan shalatyn ádeıi qastandyqtyń» jemtigi bolyp ketpese eken degen tilek. Aıdy etegińmen jasyra almaısyń, óz atyn jabý úshin bir jaqsyny qurban etetin sumyraı saıasat bar elimizde. Sol surqııa saıasattyń kezekti qurbany retinde Birtanovty kózdep otyrǵanyn kóp qazaq ishi sezip, bilip te otyr! Únsiz qalýǵa bolmaıdy! Ulyńdy qorǵa, qolda Qazaq eli! Men Eljan Birtanovty aıyptaýǵa qarsymyn!» - dep jazdy Qaraqat Ábildına.

"Adyrna" ulttyq portaly

(foto oinet.kz saıtynan)

Pikirler