3 256 adam koronavırýs juqtyrǵan jáne naýqastarmen baılanysta bolǵan. Bul - Ashyq qosymshasy engizilgennen keıingi derek. Bul týraly densaýlyq saqtaý mınıstri Alekseı oı úkimet otyrysynda aıtty, dep habarlaıdy «Adyrna» ulttyq portaly.
«Ashyq engizilgen sátten bastap 3 256 adamda «qyzyl» jáne «sary» statýs shyqty. Onyń ishinde 1 867 adamda PTR-test oń nátıje kórsetse, 1 389-y naýqastarmen baılanysta bolǵandar», - dedi mınıstr.
Mınıstrdiń aıtýynsha, atalmysh mobıldi qosymsha 12 mamyrdan Nur-Sultan, 21 mamyrdan Almaty áýejaılarynda pılottyq rejımde iske qosylǵan. Sol kezde 37 adamnyń vırýs juqtyrǵany jáne 37 adamnyń indetke shaldyqqandarmen baılanysta bolǵany belgili boldy.
«Ókinishke qaraı, bul statıstıka keıbir sanasyz azamattar úıde oqshaýlaný rejımin saqtamaıtynyn kórsetedi, olar halyq kóp jınalatyn oryndarǵa baryp, el ishinde emin-erkin júredi. Osylaısha basqa adamdar men ushaqtaǵy jolaýshylarǵa vırýs juqtyrý qaýpin tóndiredi», - dedi oı.
"Adyrna" ulttyq portaly
