Şu bolǧan şatqal: Bozjyra maŋaiy qoqysqa tolyp tūr

4058
Adyrna.kz Telegram
https://adyrna.kz/content/uploads/2021/05/news_full1621567616bd7b9baab583fdbd0a43cf0e301d59e7.jpg
Maŋǧystaudaǧy Bozjyra şatqalynyŋ maŋaiy qoqysqa tolyp qalǧan, dep habarlaidy "KTK" arnasy.  "Qyzylsai" tabiǧi parkınıŋ inspektorlary osylai dep dabyl qaǧyp otyr. Kündelıktı kelıp-ketken turister artynan ışıp-jegen qaldyǧyn tastap, analany bylǧap ketedı eken. Bozjyrany tamaşalauǧa soŋǧy ekı aida 2 myŋǧa juyq saiahatşy kelgen. Olardyŋ ärqaisysynyŋ artyn jinap jüruge inspektorlardyŋ mümkındıgı joq. Är adam özınıŋ qoqysyn alyp ketse, ainala taza bolatynyn aitady olar. Aŋyzaq dala, oiys-şūŋqyrly qūmdy jol, şöldı landşaft. Tabiǧattyŋ ǧajap tuyndysy sanalǧan Bozjyraǧa jetu joly oŋai emes. Taŋdai qaǧyp tamsanatyn qyrattar Jabaiūşqan qaumalynyŋ bır bölıgınde ornalasqan. Äktastardan qūralǧan taulardyŋ biıktıgı 250 metrge jetedı. Jūrtty qyzyqtyratyny da sol. Bozjyra şatqalyndaǧy körınıstı tamaşalauǧa turister Aqtaudan 300 şaqyrym jol jürıp keledı. Ǧalymdardyŋ zertteuınşe, būl jer ejelgı Tetis mūhitynyŋ tübı bolǧan. Qamal ıspettes, azu tıstes taular būrynǧy mūhit şögındılerı. Körıktı jerdı köruge keletınder kün sanap köbeiıp keledı. Bıraq bärı bırdei tazalyq saqtamaidy deidı inspektorlar. Keibırı ot jaǧyp, ışımdık bötelkesı men tamaq qaldyqtaryn dalaǧa şaşyp ketedı eken. Tıptı keide qoqysty jinap ülgermeitının aitady. Olar Bozjyrany köruge kelgenderge tamaq ışıp tynyǧatyn oryndar salynsa degen niet bıldırdı.
“1-nauryzdan berı osy turistık marşruttyŋ jūmysy bastalǧaly 2000-ǧa juyq adam keldı. Meiram künderı odan da köp keledı. Barynşa eskertıp nūsqaulyq beremız. Būl jerde ot jaǧuǧa bolmaitynyn, qoqys tastauǧa bolmaitynyn aitamyz. Bıraq turisterdıŋ barlyǧyn bırdei baqylai almai otyrmyz. Sol sebeptı osy arada bolaşaqta turisterdı retteitın bır oryn salynsa degen ūsynysymyz bar”, – deidı "Jabaiūşqan" tabiǧi qaumalynyŋ aǧa inspektory Nauryz Änesov. “Ortalyq saludaǧy maqsat – transporttyŋ jürısın bäseŋdetu. Turisterdıŋ qozǧalysyn tärtıpke keltıru kerek.Olardy qabyldauǧa aldymen joǧarydan jol salynu kerek. Josaly arqyly tüsetın 18 km jol bar. Mıne, osyny asfalttau kerek. Eş şaŋ şyqpau kerek”, – deidı ekolog Orynbasar Toqjanov.
Alaida Bozdjyrada qonaq üi men demalys ornyn saluǧa ekınıŋ bırı kelıse bermeidı. Tau-tasty kezgen turister tek qoqys tastaityn jäşık pen äjethana qoisa jetıp jatyr deidı. Al tūmsa tabiǧatqa tiıspesın degen pıkırde.
“Qoqys tastaityn jerler bolsa. Bylai bärı jaqsy. Būl dala, dalaǧa asfalt salmaidy ǧoi. Dala joly osyndai bolady, tabiǧattyŋ bailyǧy özı osy”, –deidı saiahatşy Janqanat Yrzyqbai.
Tabiǧi aumaqtyŋ inspektorlary erekşe jerdı saqtau üşın, Bozjyra aumaǧyna kırudı köktemnen bastap aqyly etıp qoiǧan. Būl jabaiy turizmmen küresudıŋ alǧaşqy qadamy. Jinalǧan aqşaǧa qoqys jäşıgın ornatyp, şlagbaum qoiu üşın tiıstı organdarǧa hat jıberıp qoiǧan.
Pıkırler