Qoǧamnyŋ erteŋıne, bolaşaǧyna qatysty, qazaqtyŋ ortaq müddesıne qatysty bır mäselenı köterseŋ, bızdıŋ qoǧam sol mäselenı tek sol kötergen adamnyŋ ǧana jeke basyna salyp qoiady. "Alǧa, aqyryna deiın bar! Bastadyŋ ba, aiaqta!" Bıraq qoǧamnyŋ basym köpşılıgı feisbukte "Qoldaimyz!" degennen aspaidy. Kım qandai mäsele köterse, sol adam sol mäselenı aqyryna deiın jetkızuı kerek. Ölse de, joq bolsa da onyŋ mındetı sol boluy kerek.
Al, nätije şyqsa, qoǧam jaqsylyǧyn köredı, bıraq tez ūmytady. Eger de sol adam özınıŋ kötergen mäselesın soŋyna deiın jetkıze almasa, (ärine ol jalǧyz eşteŋe ıstei almaidy) onyŋ artynan "bastady da, tastap kettı, onyŋ tırlıgı maska, közboiauşylyq, ūpai jinap jür" degen sözder aitady.
Kömektesu degen joq. Sūmdyq egoizm, maska, menmenşıldık.
Talai myqty azamattardyŋ artynan osyndai sözder aitylyp, talaiynyŋ tauy şaǧylyp ta kettı. Sebebı, qoǧam olardyŋ qandai mäsele köterıp otyrǧanyn bılgenımen, ne ıstese de özı bılsın, özı köredı ne bolsa da dep melşiıp otyra beredı.
Bızdıŋ qoǧamnyŋ maska kigenı sonşalyqty, ortaq müddege, ortaq ideiaǧa jūmys jasaǧa kelgende tym-tyrys, terıs ainalyp şyǧa keledı. Qazaqtyŋ müldem basynyŋ bırıkpei otyrǧany da osydan.
Būl qoǧam jalǧyz adamdy alǧa salyp, aidap otyratyn ekıjüzdı qoǧamǧa ainalyp tynǧan. Eger qandai da bır azamattar qoǧamnyŋ bolaşaǧyna qajettı bastamalardy köterıp şyqsa, qoǧam ony tereŋınen tüsınıp, jappai qoldap ketetın ürdıs qalyptassa, bızde osy uaqytqa deiın talai-talai dünieler şeşımın tauyp keter edı.
Otyryp alyp jalǧyz adamǧa aqyryna deiın jetkız, aqyryna deiın bar dep otyratyn qoǧam älı talai resursynan aiyrylady. Menıŋşe, būl älı basy ǧana siiaqty. Mūndai qoǧam eşqaşan da damymaidy, eşqaşan da ortaq ideiaǧa jūmys jasai almaidy. Al, jalǧyz dara adamdar eşqaida bara almaidy.
Sözdıŋ şyndyǧy osy. Şyndyqtan eşqaida qaşyp qūtyla almaisyŋ.
Bekbolat QARJAN,
"Adyrna" ūlttyq portaly
Ūqsas jaŋalyqtar
