QR Premer-Ministrı Asqar Mamin Şyǧys Qazaqstan oblysyna jūmys sapary aiasynda Ridder qalasyna bardy. Ükımet basşysy biyl 10 mamyrda ört saldarynan zardap şekken qala tūrǧyndarymen kezdesu ötkızıp, zardap şekkenderge arnalǧan tūrǧyn üi qūrylysy jūmystarynyŋ barysyn tekserdı, dep habarlaidy «Adyrna» tılşısı resmi aqparattyq resursqa sılteme jasap.
«Memleket basşysy Qasym-Jomart Toqaevtyŋ tapsyrmasy boiynşa Ridder qalasynda bolǧan örtten zardap şekken barlyq otbasy jaqyn arada jaŋa tūrǧyn üimen qamtamasyz etıledı. Ükımet pen Şyǧys Qazaqstan oblysynyŋ äkımdıgı Memleket basşysynyŋ tapsyrmalaryn jüzege asyru üşın barlyq qajettı şaralardy qabyldady», — dedı A. Mamin.Örtten zardap şekken otbasylarǧa arnalǧan 30 jaŋa tūrǧyn üidıŋ qūrylysy tötenşe jaǧdailar saldaryn joiu üşın qarastyrylǧan Ükımet rezervınıŋ qarajaty esebınen jaŋa «Botanika üşınşı tūrǧyn üi audanynda» jürgızılude. Är üidıŋ audany – 80 şarşy metr, al üi maŋyndaǧy jeke uchaske kölemı – 10 sotyq. Aita keteiık, Ridder qalasynda bolǧan ört saldaryn joiu üşın 557,5 mln teŋge bölındı. Qūrylys jūmystaryn «OblŞyǧysJol», «VK Invest Company», «QK Sunqar», «Vostokvzryvprom», «Kazprofstroy Holding» kompaniialary jürgızude.
«Adyrna» ūlttyq portaly
