QR Bılım jäne ǧylym ministrı Ashat Aimaǧambetov jas tülekterdı bügıngı merekelerımen şyn jürekten qūttyqtady, dep habarlaidy «Adyrna» ūlttyq portaly.
«Qūrmettı tülekter! Mıne, oqu jyly öz märesıne jettı. Būl oqu jyly bükıl älemdegı oquşylar men studentter üşın oŋai bolǧan joq. Älemdık bılım bıru jüiesı pandemiia syndy ülken synaqtan öttı. Bız mūǧalımdermen bırlese otyryp bılım beru jüiesıne jaŋa dem berıp, olarǧa barynşa qajettı jaǧdai jasauǧa tyrystyq. Sızder oqularyŋyzdy aiaqtap jatyrsyzdar. Keibır tülekter joǧary oqu oryndaryna nemese kolledjderge tüsse, endı bıreulerı jūmys ısteidı. Qalai bolsa da, aldaǧy uaqytta sızderdı jaŋa mümkındıkter men jaŋa ömır belesterı kütıp tūr. Mektep bıtırıp jatqan kezım älı esımde. Ülken ömırge qadam basar aldyndaǧy qorqynyş, uaiym, küdık, josparlar men bolaşaqqa degen ümıt. Ol kezde ıs jüzınde bärı basqaşa ekenın tüsınbegen ekenmın. Tıptı, men oilaǧannan da oŋai eken dep aituǧa bolady», - dep jazdy ministr Instagram jelısındegı paraqşasynda.Sonymen qatar ol öz täjıribesıne süiene otyryp jas tülekterge 3 keŋesın aitty.
«Bırınşıden. Eşqaşan qiyndyqtarǧa moiymaŋyzdar. Közdegen maqsatyŋa jetu jolynda äldebıreudıŋ aitqanyna ermei, tura joldan taimau kerek.Basymnan ötken bır oqiǧany aityp bereiın. Diplom alǧannan keiın ekı apta ötken soŋ mäslihat deputatyǧyna sailau ötetındıgı turaly habarlandyrudy közım şalyp qaldy. Dostarymmen aqyldasyp, sailauǧa qatysuǧa bel budym. Qolynda ötınışı bar 21 jastaǧy jıgıttı körgen sailau komissiiasyndaǧy mamandar maǧan küle qarady. Qarsylastarymnyŋ da maǧan degen közqarasy sondai boldy. Sailauşylarmen alǧaşqy kezdesulerım de esımde. Jas balanyŋ deputattyqqa ümıtker ekenın körgende sailauşylarymnyŋ jartysynan köbı terıs ainalǧan bolatyn. Ştabymnan basqa eşkım menıŋ jeŋıske jetetınıme senbei, bärı būl mümkın emes deumen boldy. Käsıpkerler, jetekşıler jäne tanymal qairatkerlerden tūratyn 11 qarsylasym bolsa da, eŋbek jäne jeŋıske degen senım arqyly keşegı student, qarapaiym jıgıt osy sailauda jeŋıske jettı. Al 4 jyldan keiın qaita sailandym. Şyn mänınde būl sailaudan ūtqanym köp boldy. Sailauşylardyŋ senımıne ie bolyp, öz küşıme degen senımım de nyǧaia tüstı. Sondyqtan adam balasy öz küşı men armanyna senuı kerek. Qūlasaŋ da qaita tūryp, alǧa ūmtyluǧa tyrysu kerek. Esterıŋızde bolsyn, taǧdyr maqsaty aiqyn jäne alǧan betınen qaitpaityn adamdardy jaqsy köredı», - deidı ministr. Aimaǧambetov jas tülekterdı qatelesuden qoryqpauǧa, öz qatelıkterın uaqytynda tüsınıp, tüzetuge tyrysuǧa şaqyrdy.
«Ekınşıden. Qatelesuden qoryqpau kerek. Qatelık jasalsa, ömır sonymen aiaqtalmaidy. Barlyq adam qatelesedı. Eŋ bastysy - öz qatelıgımızdı uaqytyly tüsınıp, tüzetuge tyrysuymyz äldeqaida maŋyzdy. Barynşa küş-jıgerımızdı salyp, alǧan betten qaitpaǧanymyz abzal.Mıne, būl bolaşaqta tabysqa qol jetkızetın adamǧa tän qasiet. Mekteptı bıtırgennen keiın men bırden grantqa tüse almadym. Jalpy jaqsy ball jinaǧanyma qaramastan, beiındık pän boiynşa az ball alǧandyqtan, grant jeŋıp ala almadym. Sol kezde būl jaǧdaidy ömırımdegı ülken qatelık dep sanadym, ömırım aiaqtalǧan siiaqty boldy. Bıraq keiın būl jaǧdaiǧa degen közqarasym özgerıp, ony ömırımdegı kezektı synaq dep qabyldadym. Taǧy bır jyl daiyndalyp, ŪBT-ny qaita tapsyrdym. Jaqsy ball jinap, grantty jeŋıp aldym. Būl oqiǧa maǧan köp närsenı üiretken ömırlık sabaq bolǧanyn jete tüsındım. Öz küşıŋızge degen senım men qatelıkterge moiymai, aiaqqa qaita tūru - adam balasy üşın öte maŋyzdy dep bılemın», - dep jazdy ol. Sonymen qatar ol mektep bıtıruşı tülekterge basqalarǧa qaraǧanda erekşe boludan ūialmau kerektıgın aitty.
«Üşınşıden. Basqalarǧa qaraǧanda erekşe boludan ūialmaŋyzdar. Eŋ bastysy özıŋızge adal bolyŋyz. Basqa adamdarmen aralasyp, dos bolyŋyzdar. Ata-analaryŋa qamqor bolyp, bauyrlaryŋyzben bailanysty eşqaşan joǧaltpaŋyzdar. Keiın, mümkın 30 jasqa kelgende, ata-ananyŋ bergen aqyl-keŋesterı oryndy ekenın tüsıne bastaisyzdar.Boilaryŋyzda jaŋa ädetter qalyptastyryŋdar! Densaulyqtaryŋdy nyǧaityŋdar! Bükıl älem qarsy bolsa da, qaisarlyq tanytyp, alǧan baǧyttan qaitpaǧan jön. Qazır «qai universitettı taŋdasam eken» dep oilanyp jürgen bolarsyzdar. Ärine, būl öte maŋyzdy mäsele. Endı ärbır joǧary oqu orny tülekterıne memlekettık emes, özındık ülgıdegı diplom beredı. Kelesı jyldan bastap diplomnyŋ ǧana boluy jetkılıksız, sonymen bırge naqty bılım men daǧdylardyŋ boluyn däleldeu qajet bolmaq. Tıptı ony sertifikatpen rastau kerek bolady. Sondyqtan myqty oqu ornyn taŋdap, bolaşaqqa zor senımmen qadam basuǧa şaqyramyn. Oqu qūnynyŋ arzandyǧy, sabaqty bosatu, emtihan tapsyrmai-aq oqudy aiaqtau syndy “mümkındıkterge” qyzyqpaŋyzdar. Būl jaqsylyqqa alyp kelmeitın äreket dep esepteimın. Sol sebeptı joo taŋdaǧan kezde Universitettıŋ bedelıne, oqu ornyna qatysty jūmys beruşılerdıŋ pıkırıne, halyqaralyq akkreditteudıŋ boluyna, tarihyna män bergenderıŋız abzal. «Ömır atty beleste tek bır ret qana bılım alu jetkılıktı» degen eskı qaǧida öz küşın joǧaltty. Tabysqa jetu üşın bız ömır boiy oquymyz qajet. Kün saiyn jaŋa tehnologiialar paida bolyp jatyr. Ömırımızdegı jaŋa trendter - būl üzdıksız oqu ūǧymymen para-par. Sondai-aq bılım ministrı retınde myqty tülekterdı pedagog mamandyǧyn taŋdauǧa şaqyramyn. Öitkenı, bılım sapasy, eldıŋ bolaşaǧy joǧary oqu oryndaryn aiaqtap şyǧatyn mūǧalımderge tıkelei bailanysty. Būl ülken därejege ie jäne öte qūrmettı mamandyq. Mūǧalım mamandyǧynyŋ märtebesın arttyru üşın Prezidenttıŋ tapsyrmasy boiynşa bız pedagogterdıŋ jalaqysyn belsendı türde arttyryp jatyrmyz. Şamadan tys eseptılıktı alyp tastadyq. Bolaşaq pedagogterdıŋ stipendiiasy eŋ joǧary stipendiia bolyp tabylady, būl baǧyttaǧy jūmystar ärı qarai da jalǧasyn tabady», - dedı ministr. Sondai-aq qorytyndylai kele Aimaǧambetov jas tülekterge aq jarma tılegın bıldırdı.
«Qūrmettı jas tülek! Alǧa qoiǧan maqsattaryŋyzǧa jetıŋızder. Batyl bolyŋyzdar. Bärı öz qoldaryŋyzda ekenın esterıŋızde saqtap jürıŋızder. Söz soŋynda aitarym: özderıŋdı şektemei, keŋ ärı auqymdy oilauǧa tyrysyŋdar. Sonda ǧana tolaǧai tabystarǧa jetesızder! Ömırlerıŋızdegı jaŋa kezeŋ qūtty bolsyn, dostar! Bolaşaqta jaŋa jetıstıkterge jete berıŋder!» - dep jazdy ministr.
"Adyrna" ūlttyq portaly
Ūqsas jaŋalyqtar
