Ákimder saılaýy týraly zań: polıtıkalyq landshaft sapaly túrde ózgermek

2548
Adyrna.kz Telegram

Búgin memleket basshysy Qasym–Jomart Toqaev aýyl ákimin saılaý jóninde, jalpy ákimder týraly jańa zańǵa qol qoıǵan bolatyn. Osy taqyrypqa qatysty saıasattanýshy, Ulttyq keńestiń múshesi Talǵat Qalıevtyń pikirin bildik.

«Bul – óte mańyzdy ózgeris. Óıtkeni ulttyq keńestiń otyrystarynda osy ákimderdi saılaý týraly zańdy qoldaǵan edim. Bul zańdy mańyzdy deýge sebep kóp. Mysaly jergilikti turǵyndar májilis depýtattaryn, prezıdentti saılaǵanda saılaýdyń nátıjesin kórmeıdi. Óıtkeni ol tez baıqalatyn qubylys emes», - deıdi saıasattanýshy.

Sonymen qatar Qalıev ákimder saılaýynan bastap prezıdent saılaýyna deıingi aralyqtaǵy ortaq qubylys týraly sóz qozǵady.

«Prezıdent saılaýy – mańyzdy saıası úrdis. Onyń erejesine sáıkes jergilikti halyq saıasatkerdi tańdaıdy. Ol uzaq merzimde bılikte bolady. Qarapaıym saılaýshy adam bul saılaýdyń nátıjesimen birden tanys bolmaıdy. Dál osylaı biz depýtattardy da tańdaımyz. Sondaı-aq biz olardyń qalaı zań qabyldaıtynyn, ol zańnyń bizge qalaı áser etetinin bilmeımiz. Keıin osy zańdar basymyzǵa túsken kezde ózimizdiń osy depýtattardy saılaǵanymyzdy umytyp ketip jatamyz» - deıdi ol.

Aıta keteıik, osy suhbat barysynda saıasattanýshy aýyl ákimderin saılaý týraly, onyń ishinde partııalarǵa osy saılaýdyń qalaı áser etetinin erekshe atap ótti.

«Al aýyl ákimderin saılaý týraly aıtatyn bolsam, ákimdi saılaǵannan keıin halyq nátıjelerdi birden kóretin bolady. Barlyq reıtıng kórsetilip otyrady. Belgili bir aýyldyń ákimi sharýaqor bolýy múmkin. Ol mektepke jóndeý jumystaryn júrgizip, joldy jóndep, kóshelerdi damytatyn shyǵar. Al basqa aýyl turǵyndary ákimderin saılaǵanda qatelesýi ábden múmkin. Solaı nátıjeler kórsetilip turady. «Kórshi aýyl turǵyndary qalaı ómir súrip jatyr?», «Olardyń ózderi qalaı ómir súrip jatyr?» degen suraqtarǵa árbir saılaýshy ózinshe jaýap berip, kelesi saılaýǵa jaýapkershilikpen qaraıdy.

Halyq solaı árbir adamnyń daýysynyń úkimetke qalaı áser etetinin jáne olar úshin árbir daýystyń mańyzdy ekenin túsinedi. Sonymen qatar osy ákimderdi saılaý týraly zań partııalardyń alǵa jyljýyna kómektesedi, ákimder partııalardyń tanylýyna septigin tıgizedi. Qazirgi kezde otandyq saıası arenada Nur Otan partııasy sekildi fılıaly kóp damyǵan partııalar joqtyń qasy. Al eger partııalar óz fılıaldaryn ár aımaqta ashatyn bolsa, aýyl ákimderi sol fılıaldardyń ókili bola alady. Partııalar ózderin ákimderdiń arqasynda tanytar bolsa, kelesi parlament saılaýyna myqty qoldaýmen qatysady. Oǵan qosa partııalardyń ókili bolý arqyly ákim óziniń alǵa qaraı jyljýyna yqpal etedi», - deıdi Qalıev.

Sondaı-aq ol sózin jas ákimderge degen jyly lebizimen aıaqtady.

«Bul naqty jumys jasaıtyn polıtıkalyq vertıkal bola alady. Aýyl ákimderin saýlaý túbinde polıtıkalyq landshaftty sapaly túrde ózgertedi. Saılaý ashyq túrde bolatyndyqtan, úmitkerler aýyl turǵyndarymen belsendi túrde qarym-qatynas jasaýy kerek.

Qorytyndylaı kele búgingi aýyl ákimderi bolashaqta ulttyq masshtabta óte tanymal saıasatker bola alady. Árıne, barlyǵy emes. Alaıda keıbiri osy múmkindikti qoldana alady. Qazirgi ambıııasy mol, kreatıvti oılaıtyn, jeńisti qoldan bermeıtin jastar óziniń repýtaııasyna jáne perspektıvasyna jumys jasaıdy dep, sondaı-aq polıtıkalyq karerasyn jasaıdy dep senemin», - dedi ol.

"Adyrna" ulttyq portaly

Pikirler