Bügın memleket basşysy Qasym–Jomart Toqaev auyl äkımın sailau jönınde, jalpy äkımder turaly jaŋa zaŋǧa qol qoiǧan bolatyn. Osy taqyrypqa qatysty saiasattanuşy, Ūlttyq keŋestıŋ müşesı Talǧat Qalievtyŋ pıkırın bıldık.
«Būl – öte maŋyzdy özgerıs. Öitkenı ūlttyq keŋestıŋ otyrystarynda osy äkımderdı sailau turaly zaŋdy qoldaǧan edım. Būl zaŋdy maŋyzdy deuge sebep köp. Mysaly jergılıktı tūrǧyndar mäjılıs deputattaryn, prezidenttı sailaǧanda sailaudyŋ nätijesın körmeidı. Öitkenı ol tez baiqalatyn qūbylys emes», - deidı saiasattanuşy.Sonymen qatar Qaliev äkımder sailauynan bastap prezident sailauyna deiıngı aralyqtaǧy ortaq qūbylys turaly söz qozǧady.
«Prezident sailauy – maŋyzdy saiasi ürdıs. Onyŋ erejesıne säikes jergılıktı halyq saiasatkerdı taŋdaidy. Ol ūzaq merzımde bilıkte bolady. Qarapaiym sailauşy adam būl sailaudyŋ nätijesımen bırden tanys bolmaidy. Däl osylai bız deputattardy da taŋdaimyz. Sondai-aq bız olardyŋ qalai zaŋ qabyldaitynyn, ol zaŋnyŋ bızge qalai äser etetının bılmeimız. Keiın osy zaŋdar basymyzǧa tüsken kezde özımızdıŋ osy deputattardy sailaǧanymyzdy ūmytyp ketıp jatamyz» - deidı ol.Aita keteiık, osy sūhbat barysynda saiasattanuşy auyl äkımderın sailau turaly, onyŋ ışınde partiialarǧa osy sailaudyŋ qalai äser etetının erekşe atap öttı. «Al auyl äkımderın sailau turaly aitatyn bolsam, äkımdı sailaǧannan keiın halyq nätijelerdı bırden köretın bolady. Barlyq reiting körsetılıp otyrady. Belgılı bır auyldyŋ äkımı şaruaqor boluy mümkın. Ol mektepke jöndeu jūmystaryn jürgızıp, joldy jöndep, köşelerdı damytatyn şyǧar. Al basqa auyl tūrǧyndary äkımderın sailaǧanda qatelesuı äbden mümkın. Solai nätijeler körsetılıp tūrady. «Körşı auyl tūrǧyndary qalai ömır sürıp jatyr?», «Olardyŋ özderı qalai ömır sürıp jatyr?» degen sūraqtarǧa ärbır sailauşy özınşe jauap berıp, kelesı sailauǧa jauapkerşılıkpen qaraidy. Halyq solai ärbır adamnyŋ dauysynyŋ ükımetke qalai äser etetının jäne olar üşın ärbır dauystyŋ maŋyzdy ekenın tüsınedı. Sonymen qatar osy äkımderdı sailau turaly zaŋ partiialardyŋ alǧa jyljuyna kömektesedı, äkımder partiialardyŋ tanyluyna septıgın tigızedı. Qazırgı kezde otandyq saiasi arenada Nur Otan partiiasy sekıldı filialy köp damyǧan partiialar joqtyŋ qasy. Al eger partiialar öz filialdaryn är aimaqta aşatyn bolsa, auyl äkımderı sol filialdardyŋ ökılı bola alady. Partiialar özderın äkımderdıŋ arqasynda tanytar bolsa, kelesı parlament sailauyna myqty qoldaumen qatysady. Oǧan qosa partiialardyŋ ökılı bolu arqyly äkım özınıŋ alǧa qarai jyljuyna yqpal etedı», - deidı Qaliev. Sondai-aq ol sözın jas äkımderge degen jyly lebızımen aiaqtady.
«Būl naqty jūmys jasaityn politikalyq vertikal bola alady. Auyl äkımderın saulau tübınde politikalyq landşaftty sapaly türde özgertedı. Sailau aşyq türde bolatyndyqtan, ümıtkerler auyl tūrǧyndarymen belsendı türde qarym-qatynas jasauy kerek. Qorytyndylai kele bügıngı auyl äkımderı bolaşaqta ūlttyq masştabta öte tanymal saiasatker bola alady. Ärine, barlyǧy emes. Alaida keibırı osy mümkındıktı qoldana alady. Qazırgı ambisiiasy mol, kreativtı oilaityn, jeŋıstı qoldan bermeitın jastar özınıŋ reputasiiasyna jäne perspektivasyna jūmys jasaidy dep, sondai-aq politikalyq karerasyn jasaidy dep senemın», - dedı ol.
"Adyrna" ūlttyq portaly
