Taıvannyń AQSh-pen áskerı jaqyndasý arqyly ózin Qytaıdan oqshaýlaýǵa tyrysýy qajetti nátıje bermeıdi jáne apatty saldarǵa aınalý qaýpi bar. Bul týraly Qytaı Halyq Respýblıkasy Memlekettik keńesi janyndaǵy Taıvan isteri basqarmasynyń resmı ókili Chjý Fenlıan 26 mamyrda ótken baspasóz konferenııasynda aıtty.
Chjý 25 mamyrda Taıvandyq joıǵysh ushaqtyń Amerıka Qurama Shtattaryna ushýy týraly pikir bildirdi. Ol Demokratııalyq progressıvti partııa men Taıvandaǵy saıası kúshter «bir Qytaı» qaǵıdatyn ustanbaıtynyn jáne áskerı qarsylastyqty ádeıi jaqyndata túsetindigin basa aıtty.
«Olar táýelsizdik dep ataıtyn qundylyqqa kúshpen qol jetkizý áreketteri eshteńege ákelmeıdi, ol tek Taıvan halqy úshin apatqa aınalýy múmkin», - dep eskertti Chjý Fenglıan.
Buǵan deıin Taıvandyq BAQ 25 mamyrda tańerteń Taıvandyq F-16 ushaǵynyń AQSh baǵytyna qaraı ushqanyn habarlaǵan edi. Mundaı ushýdyń buryn-sońdy bolmaǵandyǵy, ushý barysynda arnaıy jattyǵýlar júrgizilgeni atap ótildi. Bul áreketti AQSh pen Taıvan áskerıleri áriptestiktiń jańa shyńy dep ataýda.
"Adyrna" ulttyq portaly
