Sheshenstan basyshy osy joly da tosyn málimdeme jasady. Ol Chehııadaǵy at qoradan urlanǵan sáıgúliginiń tabylǵanyn habarlady. Óziniń aıtýynsha, quıryq jaly tógilgen "azban-kúreńin" barymtalaǵan Ýkraınanyń barlaý agenttikteri. Eýropa salǵan sankııa salqyny da alǵash tulpardyń "shabysyn shekteýden" bastalypty. Bul jaıly "Adyrna" ulttyq portaly habarlaıdy.
Sheshenstan basshysy Ramzan Qadyrov 2023 jyly naýryzda Lıtomerjıe qalasyndaǵy at qoradan urlanǵan Zazý atty júırik aıǵyryn qaıtaryp alǵanyn habarlady.
- Jyldyń basynda menimen bir adamdar arqyly ýkraınanyń barlaý qyzmeti baılanysty. Olar Zazýymdy salyp alýǵa qulshynyp otyrǵanyn jetkizdi. Bas tarttym, árıne. Biraq barlaý agenttikteriniń aıryqsha jospary bar eken. Olar tulpardy Chehııadaǵy at qoradan urlaý úshin Cheh polıeılerimen sóz baılasqan. Qymbat jylqynyń aıaq astynan ushty-kúıli joǵalyp ketýi múmkin be? Shyntýaıtynda, múmkin eken, - dedi Qadyrov.
Onyń aıtýynsha, osqyrynyp, babynda turǵan jıren qasqa tulparyn qaıtaryp alý úshin 18 myń dollar tólegen (ózi ony "tıyn-teben"dep atady). Alaıda, Sheshenstan basshysynyń asyǵa kútkenine qaramastan, tulparǵa salynǵan sankııalar kúshinde qaldy.
"2014 jyly Eýropalyq sankııalardyń soqqysy alǵash meniń tulparyma tıdi. Ol batystyq ozbyrlyqtyń qurbany boldy. Jyldar boıy Chehııanyń at qoralarynyń birinde "túrmede otyrdy". Endi ǵana bárin ashyq aıta alamyz. Ýaıymdamańyz, Zazýda bári jaqsy", - dedi Qadyrov áleýmettik jelilerdegi oqyrmandaryna.
Oraıy kelgende aıshyqtaı keteıik, Naýryz aıynyń basynda Qadyrovtyń "attaı qalap alǵan" aıǵyrynyń urlanǵany týraly Cheh buqaralyq aqparat quraldary habarlady. Polıııanyń málimetinshe, at qoraǵa kirgen adam júgendegi qaýipsizdik tizbegin alyp tastap, atty jetektep ketken. Chehııa polıııasy attyń qunyn, shamamen, 19 myń dollarǵa baǵalaǵan.
"Barymtaǵa" túsken jıren qasqa Praga halyqaralyq sankııalar negizinde shekteýge alynǵan Qadyrov múlikteriniń tiziminde bar. Jezdci.cz-diń jazýynsha, Qadyrov sáıgúlikti 2012 jyly ótken Dýbaı Álem kýbogyna qatystyrý úshin WH Sport International nemis kompanııasynan satyp alǵan. Alamanda Zazý besinshi kelgen. Iesimen birge sankııalardan kóz ashpaǵan sáıgúlik osy ýaqytqa deıin 36 jarysqa qatysyp, toǵyzyn jeńip, 1,2 mıllıon eýrodan astam tabys tapqan.
"Adyrna" ulttyq portaly
