"Men jastarǧa senemın". Bügın - Alaş ardaqtysy Maǧjannyŋ tuǧan künı

Bügın - Maǧjan Jūmabaevtyŋ tuǧan künı, dep habarlaidy “Adyrna” ūlttyq portaly. Maǧjan Jūmabaev 1893 jyly 25 mausymda Soltüstık Qazaqstan oblysynda ömırge kelgen. Alaş qozǧalysynyŋ qairatkerı, aqyn, qazaq ädebietınıŋ jaryq jūldyzy Maǧjan 1909 jyly şyqqan Abai öleŋderın oqyp, “Ataqty aqyn, sözı altyn hakım Abaiǧa” degen öleŋ jazdy. Äbılmaǧjan Jūmabaev 1910 – 1913 jyldary Ufa qalasyndaǧy “Ǧaliia” medresesınde bılım alyp, körnektı jazuşy Beiımbet Mailinmen tanysady. Maǧjan Jūmabaevtyŋ aqyn retınde 1912 jyly tanyla bastaǧan. Sol jyly Qazan qalasyndaǧy Kärımovter baspasynda Jūmabaevtyŋ “Şolpan” atty tūŋǧyş öleŋder jinaǧy basylyp şyǧady. “Sadaq” jurnalyn şyǧaruǧa qatysady, oǧan özınıŋ öleŋderın jariialaidy. 1913 – 1916 jyldary Omby mūǧalımder seminariiasynda oqyp, “Bırlık” ūiymy jūmysyna belsene aralasyp, “Balapan” qoljazba jurnalyn şyǧaruǧa qatysady. Araǧa bıraz jyl salyp Älihan Bökeihan, Ahmet Baitūrsynūly, Mırjaqyn Dulatūly sekıldı alaş qairatkerlerımen bailanys ornatyp, “Qazaq” gazetıne öz öleŋderın jariialaidy. 1917 jyly Aqpan töŋkerısınen keiın qalyptasqan saiasi jaǧdaiǧa sai qoǧamdyq ömırge belsene aralasqan. Maǧjan Jūmabaev “Alaş” partiiasynyŋ Aqmola oblysynyŋ komitetınıŋ müşesı boldy. Müşelık etken uaqytynda “Üş jüz” partiiasy ökılderınıŋ jalǧan aiyptauymen bır aiǧa juyq abaqtyǧa otyryp şyqty. Ekınşı jalpyqazaq sezıne delegat retınde qatysyp, onda oqu mäselesı boiynşa qūrylǧan komissiiaǧa töraǧalyq ettı. “Men jastarǧa senemın!” dep ūrandatqan Maǧjan 1918 – 1919 jyldary Petropavl uezdık poemasy “Batyr Baiandy” jazyp, jaryqqa şyǧarady. Ol 1938 jyly qaitadan qamauǧa alynyp, atu jazasyna kesıldı.