Maŋǧystau oblysynda mūnaişylar narazylyqqa şyqty. «Mūnaitelekom» kompaniiasyna qyzmet körsetetın serıktestık jūmysşylary jalaqysyn köterudı talap etıp otyr, dep habarlaidy «Adyrna» ūlttyq portaly KTK arnasyna sılteme jasap.
«Qalamqas» ken orny «Mūnaitelekom» autstaffing. Ailyq köteruın talap etemız! Zaŋda bar zat...Jetıbai, Jaŋaözen, Qalamqas ken ornynda jūmys ısteitın «Mūnaitelekom» serıktestıgınıŋ 100-den asa qyzmetkerı ekı künnen berı jūmysyn toqtatyp tastady. «Jalaqy köbeitılmese, qimyldamaimyz» dep otyr. «Mūnaitelekom» kompaniiasynda ştatta jūmys ısteitın qarapaiym qyzmetkerler 500 myŋ teŋge jalaqy alady eken. «Al däl sondai jūmys ısteitın bızge nebärı 120 myŋ teŋge tölenedı» deidı. Tıptı säuır aiynda kompaniia basşylyǧy ailyqty kötermeu üşın qitūrlyq jasap slesar, injener mamandyqtarynyŋ atauyn jöndeuşı, retteuşı qylyp özgertıp jıbergen körınedı. «Narazylyq bıldırseŋder, jūmystan şyǧaramyz» dep qorqytypty. Al eŋbek inspeksiiasy jaǧdaidy tolyq zertteu üşın jūmysşylardyŋ aryzy qajet dep otyr.
«Eŋbek inspektorlary «Qalamqas» ken ornyna baryp QR Eŋbek kodeksınıŋ zaŋ talaptaryna sai tüsındıru jürgızdı. Talaptardy oryndau maqstatynda aryz jazu kerek ekenı tüsındırıldı. Eger aryz jazylsa, mäsele zaŋ aiasynda bızdıŋ basqarmamen qaralady», - deidı Maŋǧystau oblysy memlekettık eŋbek inspeksiiasy basqarmasynyŋ bölım basşysy Merei Mäjitov.
"Adyrna" ūlttyq portaly
