Almaty oblysynda «Nūrly jer» baǧdarlamasyn jüzege asyru jalǧasuda, biylǧy jyly 1 mln. şarşy metr tūrǧyn üi paidalanuǧa berıledı. Būl turaly bügın Ortalyq kommunikasiialar qyzmetı alaŋynda ötken brifing kezınde Almaty oblysynyŋ äkımı Amandyq Batalov aitty, - dep habarlaidy Almaty oblysy äkımınıŋ baspasöz qyzmetı.
Oblys basşysynyŋ sözıne süiensek, «Jūmyspen qamtu jol kartasy» şeŋberınde öŋırge 105 mlrd. teŋge bölıngen, 20 myŋ jūmys ornyn qūrǧan 1051 joba jüzege asyryldy. Ötken jyly oblys boiynşa 60 myŋ jūmys orny aşyldy.
Baiandamada aitylǧandai, «Nūrly jer» baǧdarlamasyn jüzege asyru jalǧasuda, biylǧy jyly 1 mln. şarşy metr tūrǧyn üi paidalanuǧa beru josparlanǧan. 2603 päterlık 521 tūrǧyn üi salynyp jatyr, sonyŋ 1212-sı köp balaly otbasylarǧa berıledı. Sonymen qatar jeŋıldıkter qarastyrylǧan «7-20-25», «Baqytty otbasy» jäne «Şaŋyraq 5-10-20» baǧdarlamalarymen 1986 otbasy päterlı bolady.
- Almaty oblysynda qūrylys salasynda karantindık şekteulerge qaramastan jūmys qarqyny bäseŋdegen joq. Sol siiaqty bız şaǧyn jäne orta biznes nysandarynyŋ jabyluy saldarynan ornynan bosap qalǧan köptegen azamatty osy qūrylys salasynda jūmyspen qamtydyq, - dedı A. Batalov.
Ūqsas jaŋalyqtar
