Mūrat AITENOV: Elımızde alǧaş ret «Şymkent Jastar Ligasy» jobasy ıske asyryluda

Qymbatty menıŋ jas dostarym! Aldymen, barşaŋyzdy 1 mausym – Halyqaralyq balalardy qorǧau künımen qūttyqtaimyn! Şymkent Jastar Ligasynyŋ saltanatty ıs-şarasy Jasampazdyqqa toly jyldar, iaǧni Täuelsızdıgımızdıŋ 30 jyldyǧymereitoiynyŋ aiasynda ötıp jatyr. Täuelsız memlekettıŋ qalyptasuy men damuynda Tūŋǧyş Prezidentımız – Elbasy N.Ä. Nazarbaevtyŋ rölı erekşe. Memleket basşysy Qasym-Jomart Toqaev Qazaqstan halqyna Joldauynda būqaralyq sportty damytuǧa qatysty tapsyrmasyna säikes, qala jastarynyŋ bastamasymen elımızde alǧaş ret «Şymkent Jastar Ligasy» jobasy ıske asyryluda. Balalardy quantu, köŋılın tauyp, jüzderıne külkı syilau – zor baqyt! Osy oraida, balalarǧa sapaly bılım, sanaly tärbie beru jolynda qajyrly eŋbek etıp jürgen ūstazdarǧa, ata-analarǧa alǧys bıldıremın. Azattyqtyŋ alǧaşqy jyldary qalamyzdaǧy bılım beru ūiymdarynyŋ sany  125- tı  qūrasa, būl künde 780-ge jettı. Būl nätijege qol jetkızude memleketımız  auqymdy baǧdarlamar qabyldap, adami kapitaldy damytuda öskeleŋ ūrpaqtyŋ sapaly bılım aluyna basymdyq berude. Oǧan dälel, 30 jylda 68 myŋnan astam orynǧa 98 zamanaui ülgıdegı bılım oşaǧy salynyp, 85%-na kürdelı jöndeujūmystary  jürgızılıp üş auysymdy, apatty  mektepterdıŋ   özektı mäselelerı oŋ şeşımın tabuda. Osy jyldary daryndy balalarǧa arnalǧan üş tılde oqytatyn mektepter, Nazarbaev Ziiatkerlık mektepter jelısı qūrylyp, oquşylar halyqaralyq zertteulerge qatysyp, bılımderın jetıldırude.   Sonymen qatar, qaladaǧy barlyq balalar alaŋy jaŋartylyp, zamanaui sport alaŋdary boi köteredı. Söz oraiy kelgende aita keteiın, Şymkent qalasy boiynşa sporttyq seksiialarǧa jazylǧan oquşylar sany – 172 496-ǧa jettı.   Mūnyŋ bärı – jastardyŋ sapaly bılım aluy men salauatty ömır saltyn qalyptastyruda  Ükımetımızdıŋ qamqorlyǧy iaǧni, täuelsızdıktıŋ tolaǧai tabysy dep bılemın.         Daryndy balalardy anyqtau men qoldauda maŋyzdy ıs-şaralar jürgızılude.  Biylǧy oqu jylynda oquşylarymyz bılım, sport saiystarynda öz ülesterın qosyp, qalamyzdyŋ abyroiyn asqaqtatty. Oǧan dälel, qalamyzdyŋ 131 oquşysy Elbasy medalınıŋ iegerı atandy, türlı halyqaralyq, respublikalyq olimpiadalar men ǧylymi jobalardan respublikada 69 oquşy jeŋıs tūǧyrynan körındı. Respublikalyq Ūlttyq mektep  ligasynda  sporttyŋ 4 türınen iaǧni, volleibol, futbol, üstel tennisı, futzaldan  şymkenttık                          9 komanda chempion atandy.   Halyqaralyq öner, qylqalam şeberlerı  saiystarynan 110 önerpaz bas jüldelerge ie boldy. Önerı örge jüzgen öresı biık örenderımızdıŋ asuly şyŋdarǧa şyǧyp, halyqaralyq, respublikalyq kezeŋde öz baǧyn synap qana qoimai, qalamyzdyŋ abyroiyn asqaqtatyp otyrǧany - bız üşın maqtanyş! Bız bügın Sızderge köterıŋkı köŋıl-küi syilau üşın «Şymkent Jastar Ligasynynyŋ» jabylu räsımın balalardy qorǧau künı merekesımen orailastyryp, ūiymdastyryp otyrmyz. Qala jastary bastamasymen ıske asqan būl ligany öte auqymdy ärı sättı jobalardyŋ bırı dep esepteimın. Namysty doda qanşama jasqa jol sıltep, ruhyn şyŋdady. Onyŋ aiǧaǧy ligaǧa qatysuǧa 140 bılım ūiymynan 536 komandadan ötınış tüsıp, jalpy sany 8 569 oquşy saiysqa tüstı. Endeşe quansa bala quansyn! Jeŋısten jeŋıske, qai salada da jetıstıkke jete berıŋızder! Sportqa beiım, bılımdı, sanaly bolyŋyzdar! Jazǧy demalystaryŋyz köŋıldı, sättı ötsın!