2017 jylǵy 19 qazanda Ulttyq mýzeıdiń Etnografııa zalynda Mýzeı pedagogıkasy jáne balalar shyǵarmashylyǵy bóliminiń uıymdastyrýymen «Qazaqtyń turmystyq buıymdary» tanymdyq kvest sabaǵy ótti.
Sabaqqa Astana qalasyndaǵy №83 mektep-gımnazııanyń 6 synyp oqýshylary qatysyp,turmystyq buıymdar týraly jan-jaqty aqparat aldy. Ata-babalarymyzdyń turmysy men dástúrli mádenıetine, qazaq halqynyń san ǵasyrlyq tarıhyna kýá bolǵan qasıetti, kıeli qara shańyraq – kıiz úı jáne onyń ishki-syrtqy jabdyqtarymen tanysyp, arnaıy berilgen tapsyrmalar arqyly ulttyq qundylyqtardy tanı tústi.
Sabaq barysynda kıiz úıdiń ejelgi ómir súrgen kóshpeli halyqtyń qysy-jazy otyratyn, óte qolaıly jáne tózimdi, bir shegesiz jınalyp, bir shegesiz qurylatyn, qysta jyly, jazda salqyn, kóship-qonýǵa yńǵaıly jyljymaly turmystyq negizgi baspanasy bolǵandyǵy týraly keńinen aıtyldy.
Qundy maǵlumatty qyzyǵa tyńdaǵan oqýshylar kıiz úı tek qazaq halqynyń ǵana emes, búkil túrki, tipti oǵan kórshiles elderdiń de turaq-mekeni bolǵanyn uǵynyp, sózjumbaq sheship, túrli suraqtarǵa talasa jaýap berip, sabaqqa belsene qatysty.
http://nationalmuseum.kz
