Bıyl el təýelsizdigine – 30 jyl. Osy aralyqta elimiz damýdyń dańǵyl jolymen alǵa ozdy. Memleket basshysy Qasym-Jomart Toqaev Ulttyq qoǵamdyq senim keńesiniń IV otyrysynda kitap oqý arqyly əlemge degen qyzyǵýshylyq mektep qabyrǵasynan qalyptasýy tıis ekenin tilge tıek etken bolatyn. Bul tapsyrmany oryndaý maqsatynda «Oqýǵa qushtar mektep» jobasy engizildi. Atalmysh joba oqýshylardyń, kitaphanashylardyń jəne ata-analardyń oqý saýattylyǵyn qalyptastyrý men jetildirýge, sondaı-aq, oqý mədenıetiniń deńgeıin arttyrýǵa jəne oqýdy nasıhattaýǵa baǵyttalǵan.
El Prezıdentiniń «Oqýǵa qushtar mektep» jobasyn iske asyrý maqsatynda Mətibulaq orta mektebinde mektepishilik jospar jasalyp, mektep kitaphanashylarymen birge synyp jetekshiler arasynda kóptegen jumystar júzege asyryldy. Sonymen qatar, joba aıasynda ərtúrli is-sharalar uıymdastyryldy.
Shara barysynda bastaýysh synyp oqýshylary birneshe kitaptardy mınýtqa mənerlep oqydy. Budan bólek oqyǵan kitaptary boıynsha sahnalyq qoıylym kórsetti. Sonymen qatar, «Bir el – bir kitap» atty respýblıkalyq akııa aıasynda mektep oqýshylary ədebı kitaptardy oqyǵan bolatyn.
«Mətibulaq orta mektebiniń kitaphanasynda el Təýelsizdiginiń 30 jyldyǵyna oraı, jalpyhalyqtyq oqýǵa jəne «Təýelsizdigimizdiń 30 jyldyǵyna – 30 kitap» kitap kórmesi QR kodymen jasalyp, ustazdar qaýymy men ata-analarǵa jəne oqýshylarǵa tanystyrylyp, nasıhattaldy. Atalmysh akııaǵa usynylǵan kitaptar arasynan 5 synyp oqýshylary Berdibek Soqpaqbaevtyń «Jekpe jek» atty əńgimesiń tolyq nusqadaǵy mətinin kitap.kz //https saıty arqyly oqyp, onlaın jəne oflaın túrde talqylady. Budan bólek 10 synyp oqýshylary arasynda qazaqtyń belgili aqyny, QR Memlekettik syılyǵynyń laýreaty Ulyqbek Esdəýlettiń «Kıiz kitaby» kitaphana qorynda bolmaǵandyqtan oqýshylar https/ // adebiportal.kz saıtyn paıdalandy. Sonymen qatar, mektep oqýshylary ózderine unaǵan el men jer, zaman men qoǵam, tabıǵat pen mahabbat týraly óleńderdi mənerlep oqyp, oqyǵan kitaptardyń mazmunynan saýalnama toltyrdy. Al ata-analardan saýalnama alynyp, atalmysh joba boıynsha chelendj jasaldy.
