Täuelsızdık - tarihy aşy tamyrdan taralǧan tättı jeŋıs. Babalar aŋsary, ūrpaqtyŋ zor baǧyna ainalǧan eldıktıŋ erekşe en-taŋbasy. Däuırdıŋ düleilı dauylyna des bermei tauda terı, dalada qany sıŋgen batyrlardyŋ batasymen jetken qasterlı ūǧym. 1991 jyl tudyrǧan ūly mümkındık. Ǧaryştyq jyldamdyqpen ǧajaiyp ǧūmyrǧa jetelegen egemendık - elımızdıŋ aiaǧyn alşaŋ bastyryp, ozǧandarǧa jetuge basylǧan nyq qadam. Täuelsızdık - Qazaqstandy saiasat sahnasynda jeke otau qūryp, erkın el bileuge baǧyttaǧan baǧaly baǧdarşam.
Üş on jyldyqta el ırgesınıŋ negızı qalanyp, ūrpaqtar sabaqtastyǧyndaǧy maqsat-mındet aiqyndaldy. Öşkenımız janyp, könergenımız jaŋǧyrdy. Ūlttyq qūndylyqtarymyz ūlyqtalyp, beibıtşılık saltanat qūrdy. Saltymyz ardaqtalyp, dästürımız jaŋa deŋgeide därıpteldı. Ūly dalany meken etkenderge ǧana tän mädeniet oty mazdap, naryqtyq ekonomikaǧa negızdelgen käsıpkerlık aiaqqa tūrdy. Jeltoqsannyŋ jelı men yzǧaryna qarsy tūrǧan jastardyŋ jalyndy ruhynyŋ öteuı esebınde aibyndy Ata Zaŋ bekıdı, mazmūndy reformalar qabyldandy.
Qazaq elı tarihynda otyz jylda airyqşa aişyqtalǧan aituly oqiǧalarǧa qysqaşa hronologiialyq şolu jasaiyq! 1992 jyl ūlttyq rämızderımız bekıp, qalyŋ jūrtşylyqqa tanystyrylǧanymen el esınde. Däl osy merzımde Qazaqstan älemdık arenada aitarlyqtar orny bar BŪŪ-nyŋ beldı müşesı atandy. 1993 jyl erkın sauda-sattyqqa jol aşyp, ekonomikalyq ösu qarqynyn jedeldetken ūlttyq valiuta ainalymǧa ense, 1994 jyly Qazaqstan iadrolyq qarudan erıktı türde bas tartqan alǧaşqy memleket atandy. 1995 jyly san saualǧa bır jauap qatatyn Konstitusiia qabyldanyp, halyqty şat-şadyman
küige böledı. 1996 jyl tuǧan elımızdıŋ tarih paraqşasy Qazaqstannyŋ at salysuymen qūrylǧan bedelı biık ŞYŪ negızı qalanǧanymen aşyldy. Täuelsızdıktıŋ taǧdyrly tarmaǧy 1997 jyl el kütpegen jaǧymdy jaŋalyqpen jalǧasty. Syndarly şeşımder şyǧatyn bas qalany aru Almatydan Saryarqaǧa köşıru turaly jarlyq jariialandy. 1998 jyly el ordasy Aqmola jaŋa atau alyp, oǧan Astana dep aidar taǧyldy. Şyntuaitynda, qadırlı halqymyz üşın täuelsızdıktıŋ är mezetı, är jyly altynǧa aiyrbastamas qymbat qazyna ekenı dausyz. El qūlaǧyn eleŋdetken azamattar üşın taǧdyrly şeşım 2006 jyly oryn aldy. Qazaqtyŋ qos alyby aqyn J.Näjımedenov pen kompozitor Ş.Qaldyaiaqovtyŋ jarqyn tuyndysy «Menıŋ Qazaqstanym» änı änūran retınde taŋdaldy. 2011 jyly törtkül dünienıŋ nazary bızdıŋ elge audy. Qazaqstan tūŋǧyş ret qysqy Aziia oiyndarynyŋ jalauyn jelbırettı. 2017 jyl jaŋaruǧa bastaǧan EXPO – 2017 körmesı köpşılıkke esıgın aiqara aşty. Al 2019 jyl tosyn oqiǧalarmen örıldı. Elbasy ökılettıgın toqtatyp, el tızgını Q.J. Toqaevqa tabystaldy. 2021 jyl ötkendı oi elegınen ötkızıp, keleşektıŋ qamyn qaita qaraityn ūly kezeŋ! Öitkenı būl jyl egemendıktıŋ ordaly otyz jyly. Täuelsızdıktıŋ alǧaşqy jyldary egemendıktı nyǧaitu, ūlttyq qauıpsızdıktı qamtamasyz etu maqsatyn közdese, bügınde būl meje artyǧymen oryndaldy. Elımızdıŋ zamanaui jaŋǧyru jolynda jasaityn tolaǧai tabystary bolaşaqta da talaidy taŋdandyrady degen ümıt basym, senım mol!
Ūqsas jaŋalyqtar
DANA Jobalaeva
Tūran universitetı 3-kurs
