Tarihi jädıgerlerge bai Syr öŋırınde 532 mädeni mūra memleket qarauyna alynǧan. Onyŋ toǧyzy IýNESKO-nyŋ tızımıne engızıldı, dep habarlaidy "Habar-24" arnasy.
Qorqyt ata atyndaǧy QMU ǧylymi qyzmetkerı Seidälı Bılälov: - Ruhani qūndylyqtardy düiım jūrt tanu üşın aimaqta «Ūly Dala elı» tanymdyq ekspedisiiasy ūiymdastyryldy. Oblystyq Qazaqstan halqy Assambleiasynyŋ ökılderı, tarihşy-arheologtardan qūralǧan top aldymen Janqoja batyr kesenesıne täu ettı. Hiua, Qoqan handyqtary men Resei otarşyldaryna qarsy ūlt-azattyq küres jürgızgen qaharman babanyŋ kesenesı Qazaly audanynda ornalasqan. Kelesı baǧyt Jankent qalaşyǧy boldy. Oǧyz memleketınıŋ astanasy bolǧan şahardyŋ aumaǧy 20 gektardai. Egınşılık pen sauda-sattyǧy örkendegen qalanyŋ qalyptasuynan rulyq qauymdastyq emes, urbanizasiia üderısı baiqalady. «Öitkenı qalaşyqtaǧy aşylǧan ülken ǧimarattan 20-ǧa juyq üidıŋ orny aşyldy. Är üidıŋ ortasynda mındettı türde aşyq oşaq bolady. Qalaşyqtyŋ soŋǧy ömır sürgen uaqytynda qalaşyq islam dının qabyldaǧan dep te aituǧa bolady. Köptep kezdesıp jatyr «Mūhammed» degen jazuy bar jüzıkter şyqty, arabşa jazuy bar bırneşe ydystyŋ qaldyqtary şyqty. Oǧan qosymşa tabylǧan tiyndardan qalaşyqtyŋ soŋǧy ömır sürgen kezeŋı X ǧasyr ekenın anyqtap otyrmyz. Ekspedisiia müşelerı şyǧys jastarynyŋ köşbasşysy bolǧan Ǧani Mūratbaevtyŋ memorialdyq muzeiıne de bas sūqty.Biyl 115 jyldyǧy atap ötılgen Orta Aziia jastar qozǧalysynyŋ ūiymdastyruşynyŋ ömırderegı taŋdanys tuǧyzdy. Türlı ūlt pen ūlys ökılderınen jinalǧan top, sondai-aq ūly oişyl Qorqyt ataǧa arnap salynǧan memorialdyq keşenge baryp, jyrau-qobyzşynyŋ ruhani bolmysyna qanyqty. «Oblystaǧy etnomädeni ortalyqtardyŋ müşelerı Türkıstanǧa, Arystanǧa baryp, osy ekspedisiianyŋ bırınşı kezeŋıne qatysqan. Ekspedisiianyŋ ekınşı kezeŋınde bız türkılerdıŋ tarihy, oǧyzdardyŋ tarihy, tübı bır türkı qazaq elınıŋ tarihi eskı qalaşyqtarǧa baryp, äserımız öte jaqsy. Būl bızdıŋ elımızdıŋ tarihy bızdıŋ jastarǧa ülgı, jastar el tarihyn bılu kerek. Tarih taǧylymy arqyly bolaşaqqa degen damu tetıgın tabu - būl ūlttyq bıregeilıktıŋ basty tıregı bolmaq. Türlı etnos ökılderınıŋ tanymdyq saiahattan tüigenı osy boldy», - oblystyq türık etnomädeni ortalyǧynyŋ töraiymy Gülchin Geidarova.
QazAqparat
