Qazaqstanda 1,5 mln-ǧa juyq bala 2047 aralas tıldı mektepte bılım alyp jatyr. Bılım salasy sarapşylarynyŋ pıkırınşe, ana tılımızdıŋ damuyna kedergı keltırıp tūrǧan bır tosqauyl – osy aralas mektepter. Qoǧamdy alaŋdatqan mäselenı sarapşylar MEDIA CLUB QAZAQSTAN alaŋynda talqylady.
«Nur Otan» partiiasynyŋ Bılım men ǧylymdy damytudyŋ respublikalyq qoǧamdyq keŋesınde deputat Dinar Nöketaeva elımızde jaŋadan aşylatyn 800 mektepke qoiylar basty talap qazaq tılınde bılım beruı ekenın atap ötken. Halyq sany jyl sanap artyp jatqan elordamyzda aralas tıldı bılım beretın mektepter köbeiıp jatyr, ökınıştısı, olardyŋ sany qazaq tıldı mektepterden köp. Bılım basqarmasynyŋ mälımetınşe, Nūr-Sūltan qalasynda jalpy 91 memlekettık mektep bar, onyŋ 34-ı qazaq mektebı, 8-ı orys mektebı, 49-y aralas tıldı.
Efir barysynda moderator Erbolat Mūhamedjan Nūr-Sūltan qalasy bılım basqarmasynyŋ basşysyna aralas mektepter aşylatyn kezde jergılıktı tūrǧyndar arasynda jürgızılgen saualnama, zertteudıŋ nätijesımen bölısuın sūrady.
Nūr-Sūltan qalasy bılım basqarmasy basşysynyŋ aituynşa, elordamyzdyŋ sol jaǧalauynda orys tılınde oqytatyn mektepter az, üş auysymdy mektepter köp. Sondyqtan aralas mektep salu būl mäselenı şeşetının aitady.
«Qandai da bır ıstı bastamas būryn analiz jasaluy kerek. Ol jaǧynan kelısemın, būl baǧytta jūmys ısteimız. Jergılıktı tūrǧyndardan qajettılıgımızdı eskermeisızder degen şaǧymdar jiı tüsedı. Astanamyzdyŋ sol jaǧalauynda orys tılınde oqytatyn mektepter sany az bolǧandyqtan, ata-analar orys tıldı synyptar aşuymyzdy sūraidy. Sūranys bar, sondyqtan aralas mektepter aşyluda. Barlyq mektepter üşın qazaq tılınıŋ bılım baǧdarlamasyn qaita qarastyratyn bolamyz»,-deidı Nūr-Sūltan qalasy bılım basqarmasynyŋ basşysy Şäkärım Seisenbai.Efir barysynda qoǧam qairatkerı Orazkül Asanǧazy aralas mektepterdı aşqanşa, qazaq tıldı mektepterdıŋ sanyn arttyru kerek ekenın basa aitty. Tıl janaşyry Elbasy N. Nazarbaevtyŋ 2006 Qazaqstan halqy Assambleiasynyŋ HIH sessiiasyndaǧy jasaǧan baiandamasynda: «Qazaq tılınde bılım beretın mektepterde oqityndardyŋ sany 63 paiyzdy qūraidy. Bız 2020 jylǧa qarai barlyq qazaqstandyqtardyŋ 95 paiyzy memlekettık tıldı meŋgeruı tiıs degen mındet qoiyp otyrmyz», - degen sözın alǧa tartty. Eks-deputat 2020 jyl ötıp ketse de orys synybynda oqityn balalardyŋ qazaq tılın bılmeitının aityp, qazırgı bılım salasy basşylaryna aralas mektepterdegı ideologiia bölek ekenın atap öttı.
