Pandemııa kóp dúnıege ózgeris, serpilis alyp keldi. Adamdar jumys isteý úshin belgili bir obektiniń bolýy shart emes ekenin túsindi. Belgili bir kestesiz-aq onlaın jumys jasaýǵa bet bura bastady. Ýaqytty únemdeıtin, ınternetpen tabys tabýdyń tıimdi onlaın kásipterine neler jatady? Tizbektep bersek...
Eń birinshi, eger de siz kásibı muǵalim nemese kez kelgen salanyń mamany bolsańyz ,ınternet arqyly aqyly túrde sabaq bere alasyz. Sizdiń biliktiligińiz ben tájirıbeńizge oraı jaqsy aqsha taba alasyz.
Ekinshiden, siz belgili bir kompanııaǵa onlaın-keńesshi bola alasyz. Sondaı-aq adamdarǵa úılerinde de qyzmet kórsetýge bolatyn birqatar qyzmetter bar. Mysaly, siz zańger nemese esepshi bolsańyz, klıentterge keńes berý arqyly nemese salyq deklaraııalaryn toltyrýǵa kómektesý arqyly qosymsha aqsha tabýǵa bolady.
Karantın kezinde, ásirese, jandanǵan kásip ol - blogerlik. Blogerlikti kásip dep aıtýǵa da ábden negiz bar. Sebebi dál osy dúnıe arqyly qanshama adam nanyn taýyp, úıin salyp, kásip ashyp jatyr. Qarapaıym adam qansha jyl ter tógip taba almaı júrgen aqshany, blogerlerimiz bir ǵana kontent túsirip, bir ǵana jarnama jasaý arqyly taýyp otyr. Karantın kezinde toısyz qalǵan ánshiler de oısyz tik-tok túsirip, blogerliktiń jolyna túsip jatqanyna ózderińiz de kýásizder.
Taǵy da bir juldyzy janǵan onlaın kásiptiń biri-SMM menedjer. Áleýmettik jelilerdiń arqasynda paıda bolǵan kásip. Bul kásipti úırenip alsańyz, aıyna kem degende 150 myńnan joǵary tabys tabasyz. Bári ózińizdiń ıdeıalaryńyz ben kreatıvtiligińizge baılanysty.
Sonymen qatar,telegramm bot qurastyrýshylary, kopıraıterler, frılanserler, targetologtar da ınternet arqyly karantın kezinde tabys tabýdyń tıimdi onlaın kásipter qatarynda.
Uljan Turlybek
