Ýkraına NATO-ǵa kirse Harkovtan nemese Dneprden Máskeýge zymyrandardyń ushý ýaqyty 7-10 mınýtqa deıin qysqarady. Bul týraly Reseı prezıdenti Vladımır Pýtın aıtty. Pýtınniń oıynsha bul Reseı úshin asa qaýipti.
Ol Ýkraınanyń NATO quramyna enýi týraly kelissózderdi «áńgime-dúken» dep sanamaıtynyn basa aıtty. Reseı prezıdentiniń oıynsha Ýkraına halqynyń teń jartysy NATO quramyna enýdi oılamaıdy. Olardy Pýtın "aqyldy adamdar" dep sanaıdy.
Sonymen qatar, Pýtın Ýkraınanyń NATO quramyna enýine qatysty Kıev pen Batys arasyndaǵy kelisimder týraly Máskeý habardar emes ekenin atap ótti. Ol Batystyq seriktester tipti Reseımen jaqsy qarym-qatynas kezeńinde de NATO-ny keńeıtý máselesinde Máskeýmen aqyldaspaǵanyn jetkizdi.
Buǵan deıin AQSh Memlekettik hatshysy Entonı Blınken Ýkraınanyń NATO-ǵa kirý múmkindigi týraly pikir bildirgen. Onyń aıtýynsha, Kıevte eldi odaqqa bastaıtyn jolmen júrý úshin barlyq qajetti quraldar bar. Blınken Ýkraınanyń áreketin «bolashaq múshelikke daıyndyq» dep baǵalaǵan edi.
"Adyrna" ulttyq portaly
