Qazaqstanǧa resmi saparmen Qatar Syrtqy ıster ministrlıgınıŋ basşysy, şeih Muhammed ben Abdulrahman Äl Täni keldı. Būl turaly Qazaqstan Respublikasy Syrtqy ıster ministrlıgınıŋ baspasöz ortalǧy habarlady. Qazaqstannyŋ Syrtqy ıster ministrı Mūhtar Tıleuberdı ekeuı kelıssözder jürgızıp, ekı jaqty qarym-qatynastyŋ mäselelerı men damu barysyn talqylady. Kezdesu barysynda sauda-ekonomika jäne investisiia salalaryndaǧy yntymaqtastyqqa erekşe köŋıl bölındı.
Kelıssözder kezınde Qatar damu qorynyŋ (Qatar Development Fund) qarajatyna Almaty oblysynyŋ Ile audanyndaǧy Ötegen Batyr kentınde perinataldyq ortalyǧynyŋ qūrylysy turaly memorandumǧa qol qoiyldy. Būl ortalyq jüktı äielderge bosanu jäne bosanǧannan keiın joǧary sapaly medisinalyq qyzmet körsetuge arnalǧan. Almaty oblysy tarapynan memorandumǧa Almaty oblysy äkımınıŋ orynbasary Batyrjan Baijūmanov qol qoidy.
Aita keterlık jait, Qatar syrtqy saiasi vedomstvosy basşysy Qazaqstanǧa alǧaş ret keldı. Kelıssözder barysynda, sauda-ekonomikalyq jäne investisiialyq salalardaǧy Qazaqstan-Qatar qatynastarynyŋ aǧymdaǧy jai-küiı men damu perspektivalary qaraldy. Sonymen qatar aldaǧy uaqytta auyl şaruaşylyǧy, tau-ken önerkäsıbı jäne bank ısınde bırlesken jobalar qolǧa alynady.
Taraptar halyqaralyq jäne öŋırlık kün tärtıbındegı özektı mäseleler jönınde pıkır almasty. Qazaqstan aumaǧynda auyl şaruaşylyǧy, geologiialyq barlau jäne tau-ken önerkäsıbı, kölık jäne logistika, sondai-aq qarjy jäne bank qyzmetı salasyndaǧy bırlesken jobalardy ıske asyruǧa müddelılık rastaldy. Taraptar sondai-aq ekı eldıŋ halyqaralyq jäne öŋırlık ūiymdar, sonyŋ ışınde BŪŪ, AÖSŞK, İYŪ jäne t.b. şeŋberındegı özara ıs-qimylynyŋ joǧary deŋgeiın atap öttı.
Ūqsas jaŋalyqtar
