20 qazan künı Batys Qazaqstan oblysyna Oŋtüstık Koreianyŋ Kvandong universitetı janyndaǧy halyqaralyq "Saint Mary" klinikasynyŋ delegasiiasy resmi saparmen keldı.
Delegasiiany klinikanyŋ prezidentı jäne bas atqaruşy direktory Ko Don Hion myrza bastap keldı.Sapar barysynda taraptar densaulyq saqtau salasynda yntymaqtastyq ornatyp, özara tüsınıstık turaly memorandumǧa qol qoidy.
Memorandum aiasynda medisina salasynda täjıribe almasu, halyqaralyq medisinalyq jobalardy bırlesıp jüzege asyru, zamanaui tehnologiialar men täjıribelermen almasu, qazaqstandyq mamandardy Koreiada oqytu jäne taǧylymdamadan ötkızu mäselelerı talqylandy.
Batys Qazaqstan oblysynyŋ äkımı Nariman Töreǧalievtıŋ aituynşa, būl kelısım – öŋır medisinasynyŋ sapasyn arttyruǧa jäne halyqaralyq standarttarǧa sai täjıribenı engızuge ülken mümkındık.
"Būl qūjattyŋ maŋyzy zor. Koreialyq tarap därıgerlerımızdı taǧylymdamadan ötkızuge, şeberlık sabaqtary men seminarlar ūiymdastyruǧa daiyn ekenın bıldırdı. Sonymen qatar olardyŋ jetekşı mamandary öŋırımızge kelıp, bırlesıp jūmys ısteuge niettı. Bız būl kezdesudı tek resmi räsım retınde emes, naqty nätijege baǧyttalǧan yntymaqtastyqtyŋ bastauy dep esepteimız", – dedı oblys äkımı Nariman Töreǧaliev.
«Saint Mary» klinikasynyŋ prezidentı jäne bas atqaruşy direktory Ko Don Hion myrza öz sözınde klinikanyŋ missiiasy tek paida tabu emes, medisinalyq bılımdı bölısu arqyly basqa elderdıŋ densaulyq saqtau jüiesın damytu ekenın atap öttı.
«Qazır bız şeteldık mamandardy qabyldap, olardy täjıribeden ötkızu baǧdarlamalaryn ıske asyryp jatyrmyz. Äsırese jürek-qan tamyrlary, mi qan tamyrlary men onkologiialyq aurular boiynşa joǧary bılıktı mamandarymyz bar. Batys Qazaqstan oblysymen de naqty nätijelerge jetudı közdeimız», – dedı ol.
Būl yntymaqtastyq – öŋır medisinasyn jaŋa deŋgeige köteruge baǧyttalǧan naqty qadam. Taraptar memorandum qaǧaz jüzınde qalyp qoimai, jüzege asatyn jobalarmen tolyqtyruǧa uaǧdalasty.
