Polşa azamatşasy Balli Majes Qazaqstan prezidenttıgıne ümıtker boluǧa talpynuda. Būl turaly Ortalyq sailau komissiiasy mälımdedı, dep habarlaidy “Adyrna” ūlttyq portaly.
«Polşa azamatşasy Balli Majes Qazaqstan Respublikasy Prezidenttıgıne kandidat retınde qatysu nietı turaly ötınışpen Qazaqstan Respublikasynyŋ Ortalyq sailau komissiiasyna bırneşe ret jügıngen», - delıngen jeksenbı künı taratqan habarlamada.
Oǧan Respublika Konstitusiiasynyŋ 41-babynyŋ 2-tarmaǧyna säikes qyryq jasqa tolǧan, memlekettık tıldı jetık meŋgergen, soŋǧy on bes jylda Qazaqstanda tūratyn, joǧary bılımı bar Respublika azamaty Prezident bolyp sailana alatyny tüsındırıldı.
Azamattyŋ memlekettık qyzmette nemese sailanbaly memlekettık qyzmette kemınde bes jyl täjıribesı boluy jäne belsendı sailau qūqyǧy boluy tiıs.
Konstitusiialyq zaŋda Respublika Prezidenttıgıne kandidattarǧa qosymşa talaptar belgılenuı mümkın.
Azattyq radiosynyŋ habarlauynşa, 2017 jyly belsendı Qazaqstan bilıgınen elde qaluyna rūqsat beruın sūraǧan. Sondai-aq, ol 2015 jylǧy sailauda Polşa prezidenttıgıne ümıtker bolǧan jäne keibır qazaqstandyq saiasi tūtqyndardy qoldaityn äreketterımen tanymal.
”Adyrna” ūlttyq portaly
