Bıyl aqtóbelik sharýalar eldegi qýańshylyqqa qatty alańdap otyr. Sebebi osylaı jaýyn-shashyn bolmaı, jalǵasa berse, kúzde shóp shyqpaı qalý qaýpi bar. Al bul aýyldaǵy sharýashylyqtarǵa qıyn soqqaly tur dep habarlaıdy "Adyrna" ulttyq portalynyń tilshisi.
Buǵan deıin baspasóz betterinde jazylǵandaı, bıyl elimizdiń kóp bóliginde qýańshylyq bolyp tur. Sol sebepti birqatar aımaqtarda mal ashtan qyrylyp, turǵyndar dabyl qaǵýda.
Ótken aptada oblys ákiminiń tóraǵalyǵymen ótken jıynda óńirde mal azyǵyn daıyndaý máselesi qaralyp, tıisti mekemelerge tapsyrma berilgeni belgili. Degenmen jeke sharýalar aldaǵy shóp shabý naýqanynyń oıdaǵydaı ótetinine alańdaýshylyq tanytýda. Sondaı-aq oblystyń birqatar aýdandarynda iri qara arasynda shań-tozańnyń kóbeıýine baılanysty kóz aýrýy beleń alýda.
Veterınar-mamandar barynsha aýrýdyń aldyn alý jáne ony joıýǵa eńbektenip jatqanyn aıtady. Degenmen aýyldarda dári-dármek jetispeýshiligi baıqalady.
Bıyl Aqtóbe oblysynda 10,6 myń gektardan asa sýarmaly jerdi qalpyna keltirý jumystary júrgizilip jatyr. Onyń 4,5 myń gektary bıyl paıdalanýǵa berilmek. Qazir oblysta egin egý naýqany aıaqtaldy. Jalpy kólemi 800 myńdaı jerge egin egilgen.
Sondaı-aq bıylǵy jyly josparǵa sáıkes óńirdegi aýyl sharýashylyǵy salasynda 2,6 mln tonnadan astam mal azyǵyn, ıaǵnı bir jarym jyldyq qor jasaqtalýy tıis. Qazir osy baǵytta sharýashylyqtar eńbek etýde.
"Adyrna" ulttyq portaly.
