Bır kezderı «Bırjan-Sara» aitysy bolǧan ba?» – degen sūraqtan bastalǧan daudyŋ soŋy «aqyn Saranyŋ özı ömırde bolǧan tūlǧa ma, älde qiialdan tuǧan obraz ba?» degenge deiın jetkenı mälım. Aitystyŋ bolǧan, bolmaǧany jaily talas-tartys älı de soŋǧy şeşımın aita qoidy dei almaisyz. Al, Saranyŋ ömırde bolǧany jaily kümänge oryn joq.
Naqtyraq derekterge süiensek, Sara Tastanbekqyzynyŋ tuǧanyna 2018 jyly 140 jyl tolady. Aqynnyŋ jerlesterı osy mereitoi qarsaŋynda bır jaqsy jädıgerge qol jetkızdı. Osy jazda ǧana aqyn tuǧan Aqsu audany, Qapal auylyndaǧy muzeiı taǧy bırneşe qūndy eksponatpen tolyqty. Aqynnyŋ bırneşe suretı Mäskeude saqtauly tūrǧany jaily derek bıraz uaqyt būryn şyqqan. Ony salǧan osy Taldyqorǧan öŋırınıŋ tumasy, 60-şy jyldary Taldyqorǧan oblysynyŋ bas säuletşısı bolǧan Margarita Vaşenko (Mäskeude 2005 jyly qaitys bolǧan). Suretter jaily aqparat bergen suretşınıŋ qyzy Geliia Timofeeva. Şeşesınıŋ közı ketken soŋ, otbasylyq mūraǧatta saqtalyp kelgen suretter men bırqatar müsınşelerdı Qazaqstanǧa qaitaru turaly şeşımge kelıptı. Anasynyŋ amanaty da sol bolsa kerek. – Anama Sara turaly aŋyz qatty ūnapty. Sodan aqyn turaly tereŋ bılgısı kelıp, onyŋ tuys-jūraǧatyn ızdeidı. Bastapqyda aqyn äuletınıŋ ūrpaǧyn salyp köredı. Sosyn, eŋ jaqyn degen tuystarynyŋ estelıkterıne süiene otyryp, aqynnyŋ beinesın somdap şyǧady. Şeşem dünieden ozǧan soŋ, artynda qalǧan mūralardyŋ qūndy ekenın bılıp, sızdermen habarlastym. Öitkenı men de mäŋgılık emespın ǧoi, – deptı qazaqstandyqtardy şyǧaryp salyp tūryp. Anasynyŋ qolynan şyqqan är tuyndyǧa ūqypty qarap kelgen Geliia hanym Saranyŋ 12 suretımen bırge Şäkärım men Şoqannyŋ şaǧyn biusın de tabys etıptı. Almaty oblystyq qoǧamdyq kelısım keŋesı ökılderı kezınde Sara Tastanbekqyzynyŋ müsının daiyndau, beinesın qalyptau töŋıregındegı jūmysqa belsene aralasqan Vaşenkonyŋ mūraǧatynan aqynǧa qatysty bırqatar materialdar, suretşınıŋ osy töŋırekte jazysqan hattary men jazbalary da tabylǧanyn aitady. Tabylǧan materialdar aldaǧy uaqytta jan-jaqty zerttelıp, aqyn ömırın tolyqtyra tüsetın bırqatar materialdar jariialanatyn bolady. Aqynnyŋ suretterın äkelu üşın arnaiy jolǧa şyqqan «Naq-Bırlık» qoǧamdyq ūiymynyŋ töraiymy, Almaty oblystyq Analar alqasynyŋ müşesı Saltanat Meŋlıbaeva «Ruhani jaŋǧyru» baǧdarlamasy aiasynda aqyn tuǧan jer men aitysqan jerler tereŋ zerttelıp, älgı bır tūrlausyz dauǧa nükte qoiylar degenge ümıt artady. Zamanynda aqyn Saranyŋ, Iliias Jansügırovtıŋ, Ǧani Mūratbaevtyŋ müsının jasaǧan müsınşınıŋ qolynda ūzaq jyldar boiy saqtalǧan suretterdıŋ qūny kün ötken saiyn arta tüserı anyq. Suretter jaily osy bır azdaǧan estelıkterdıŋ özı jyp-jyly estıledı. Suretşınıŋ qyzymen osy uaqqa deiın hat alysyp, Reseidegı Qazaqstan elşılıgı arqyly osy kezdesudı ūiymdastyrǧan Saltanat hanymnyŋ eŋbegınıŋ zor ekenın de aita ketu kerek.
Tolyǧyraq: https://egemen.kz/article/161899-aqyn-saranynh-portreti Almas NÜSIP, «Egemen Qazaqstan» Almaty oblysy
Tolyǧyraq: https://egemen.kz/article/161899-aqyn-saranynh-portreti Almas NÜSIP, «Egemen Qazaqstan» Almaty oblysy
