Nūr-Sūltan qalasynyŋ äkımı Altai Kölgınov qala tūrǧyndaryna ündeu jasady, dep habarlaidy «Adyrna» tılşısı. Ol köpşılıktı syrqattanǧan adamdardyŋ statistikasyna bei-jai qaramauǧa şaqyrdy.
«Qūrmettı elorda tūrǧyndary men qonaqtary! Bız älı de «qyzyl aimaqtamyz». Kündelıktı COVID-19 infeksiiasynyŋ 250-300 jaǧdaiy anyqtalady. Bır jaǧynan būl PTR-testılerınıŋ sanyn köbeitu arqyly, ekınşı jaǧynan oqşaulau men sanitarlyq normalardyŋ būzyluynan bolyp otyr. Qala tūrǧyndaryn syrqattanǧan adamdardyŋ statistikasyna bei-jai qaramauǧa şaqyramyn. Ärbır sannyŋ artynda bır adamnyŋ ömırı, olardyŋ otbasylarynyŋ taǧdyry tūr. Medisinalyq rūqsaty joq jäne älı vaksinasiialanbaǧan adamdar otpen oinap jürgenın bılmeidı: olar erte me, keş pe jeŋıledı. Būl rette öz densaulyǧyn ǧana emes, tuystaryna, jaqyndaryna jäne qorşaǧan ortaǧa qauıp töndıredı»,– dedı Kölgınov.Sondai-aq qala basşysy jaŋa oqu jyly qaşyqtan oqytu formatynda bolatynyn atap öttı.
«Küzde jaŋa oqu jyly bastalady. Bıraq balalarymyz üşın mektepterdı qaita aşa almaimyz»,– dep jazdy ol.
«Adyrna» ūlttyq portaly
