Bır ıstı uaqytyly tyndyru üşın jospar kerek. Bıraq, tek josparmen jüru şarşatatyn ärı erkındıkten aiyratyn jūmys. Al tym erkınsıp ketseŋ, atqaryluy tiıs şarua jaiyna qalady.
Olai bolsa, tömenge erkındıkten qaǧylmai, ısın uaqytyly tyndyrǧysy keletınderge arnap, bırsypyra keŋes äzırlep qoidyq. Eger taim-menedjmentten şarşaǧan bolsaŋyz, artyq energiia jūmsamai, bärıne ülgergıŋız kelse, myna keŋesterge qūlaq asyŋyz.
KÜNDELIKTI ÄDETTER
Kün saiyn qaitalai beretın ritualdar tızımın qūrastyryp qoiyŋyz. Keste etıp äzırlep, bölmeŋızdıŋ körınetın jerıne ılıŋız. Ädette ritualdar köp uaqytty almaidy. 10 minut jattyǧu jasau, 20 minut kıtap oqu degen syndy ädetter kündelıktı damuǧa öz septıgın tigızedı.Ritualdar damuǧa jeteleidı. Jetıstıkke tek janyŋdy salyp jasaǧan äreketterıŋ emes, az-azdan, üzdıksız jasalǧan jūmystar da köptep septıgın tigızetının ūmytpaiyq.
ŞŪǦYL ŞARUALAR
Keiınge qaldyruǧa bolmaityn şarualar tızımın jasaŋyz. Mäselen, anketa toltyru, pochtaǧa jıberu, saittyŋ dizainyna özgertuler engızu syndy şūǧyl şarualardy josparǧa türtıp qoiu qajet. Dese de, şūǧyl şarualar maŋyzdy emes, maŋyzdy şarualar şūǧyl emes ekenın eske salamyz.
ORYNDAU KÜNI BELGISIZ ŞARUALAR
Apta ışınde atqaryluy tiıs, bıraq naqty uaqyty belgılenbegen şarualar bolady. Bır qyzyǧy, mūndai şarualardyŋ belgılı bır dedlainy joq. Solardy ai ışınde nemese apta ışındegı künderdıŋ bırıne qoiyŋyz. Mäselen, jüzıp üirenu jyl ışındegı basty maqsatyŋyz delık. Jüzıp üirenu üşın aldymen arnaiy därıske jazyluyŋyz kerek. Därıske jazylmas būryn, bılıktı jattyqtyruşyny taŋdai aluyŋyz maŋyzdy. Bıraq qai künı jüzu sabaǧanyna jazylatynyŋyz, qaşannan bastap üirenetınıŋız belgısız boluy mümkın. Būl maqsatyŋyzdy keiınge qaldyra bermes üşın arnaiy bır kündı belgılep, ıske kırısıp ketu kerek.
Būl tızım nesımen paidaly? Bız keide grafiktı toltyru üşın kerektı-kereksız şarualardy toqtausyz atqara beremız. Onyŋ paidasy bar ma, joq pa, maŋyzdy emes. Qysqasy, paidasyz düniege artyq energiia jūmsau arqyly küş-jıgerdı sarqyp aludan abai bolyŋyz.
Nazerke Äsetova
