Álem qarqyndy damyǵan ýaqytta, biz kún saıyn jańaryp jatqan tehnıkalardy kórip úlgere almaı jatyrmyz. Ár jyly shyqqan jańa tehnologııany baǵasyna qaramaı-aq satyp alǵymyz keletini ras. Sebebi ol qurylǵylar adamnyń jumysyn jeńildetýge arnalǵan.
Sońǵy jyldary as úıdiń hanshaıymdaryna arnap, jańa úlgidegi robottar jasaldy. Bólmeniń shańyn tazalaǵanda muqııat bolý úshin, symsyz shańsorǵysh oılap tabylǵan.
Endeshe taǵy qandaı tehnologııalar sizdi tańqaldyratynyn kóreıik. Sońǵy jyldary satylymǵa shyqqan ónertapqyshtardyń jumysymen tanysamyz. Kóptegen kompanııalar jańa tehnologııalarǵa baılanysty halyqqa yńǵaıly bolatyn túrlerin qarastyryp, óz nusqalaryn usynyp keledi.
Symsyz shańsorǵysh motordyń jańa tehnologııasymen jabdyqtalǵan, ol yńǵaıly ári muqııat tazalaýǵa múmkindik beredi. Akkýmýlıatordyń ár zarıady 40 mınýt jumys isteıdi, al sizde kilemder tazartý kezinde jaqsy jumys isteý úshin MAX qýatyna aýysý múmkindigi bar. Symsyz shańsorǵyshta shańdy, qoqystardy jáne iri bólshekterdi bólip, ustap turatyn qýatty ıklondy súzý júıesi de ornalasqan. Symsyz bolǵandyqtan úıdi tazalaǵanda sizge qıyndyq týǵyzbaıdy.
Qurylǵy jumys istemeı turǵan kezde , jeńil túrde ústelge tirep qoısańyzda yńǵaıly bolady. Mashınada burylys rýli jáne tómen profıldi jetek bar, ol sizge bólmedegi qýys-qýys buryshtardaǵy qaldyqtardy jınaýǵa kómektesedi. Sondaı shańsorǵyshtyń bir túri «Robot Shańsorǵysh» - dep atalady.
Bul qurylǵy tipten ýaqytyńyzdy únemdeıdi. Sebebi ózi eden jýady, ózi shań súrtedi. Siz tek qosyp qoısańyz jetkilikti. Bul shańsorǵysh 2000 jyldardan bastap satylymǵa shyqqan. Bir qyzyǵy qurylǵynyń jasalýy maqsaty, adamdarǵa esh zaqym keltirmeýi tıis bolǵan. Sonyń negizinde jasalypty. Bul robotty «áleýmettik robottar» - dep ataǵan. Óndirýshi kompanııalar jyl saıyn ózgertip, baǵdarlamasyn jańartý ústinde.
Úıdiń shańy súrtilip, eden jarqyrap turǵan soń , As úıge kirip tamaq jasaýdyń qajeti joq . Sebebi sizge kómekke taǵy robot keledi.
"Robototehnıka Molı" brıtandyq kompanııasy Germanııada ótken Gannover tehnologııalar jármeńkesinde robot-aspazdyń prototıpin usynǵan. Robot-aspaz jyldam qozǵalatyn eki qoldan turady, olardy as úıdiń tóbesine ornalastyrady. Kúrdeli qurylǵy adamnyń qımyldaryn 3D jazyp alady, sosyn sol boıynsha qımyldardy qaıtalaı otyryp, óz jumysyna kirisedi.
Qazirgi jasalyp jatqan tehnologııalar bizdi tańqaldyryp keledi. Adamnyń jasaǵanyn robot jasaıtyn ýaqyt kelgen sátte, kóptegen adamdar jumyssyz qalatyn sııaqty. Tipti mamandyqtar tizimi biraz satyǵa qysqaratyndaı.
Aısaýle Kenesova
