Jetisýda robototehnıka tegin onlaın kýrsy ashyldy

3837
Adyrna.kz Telegram

Taldyqorǵandaǵy NIS túlegi Danııl Fılımonov robototehnıka boıynsha «Beyond Robotics» tegin onlaın kýrsyn iske qosty.

Taldyqorǵan qalasyndaǵy Nazarbaev Zııatkerlik mektebiniń 2020 jylǵy túlegi, Nazarbaev Ýnıversıtetiniń stýdenti Danııl Fılımonov robototehnıka boıynsha «Beyond Robotics» tegin onlaın kýrsyn iske qosty. Kýrsqa robototehnıka boıynsha úzdik qazaqstandyq trenerler men amerıkandyq JOO professorlarynyń vebınarlary men onlaın sabaqtary endi. Oqytý «Beyond Curriculum» qoǵamdyq qorynyń onlaın-mektebi bazasynda ótýde.

– Kishkentaı kezimnen bastap meni qurastyrý ıdeıasy qyzyqtyrdy, sondyqtan, Nazarbaev Zııatkerlik mektebiniń qabyrǵasynda robototehnıka úıirmesine jazyldym. Bizdiń jobalarymyz halyqaralyq arenada, Dúnıejúzilik WRO robottar olımpıadasynda usynylady dep tipti elestete almadym. Jeńister az bolǵan joq, endi men robototehnıkany oqyǵysy keletinderdiń barlyǵyna kómektesý úshin jańa maqsat qoıyp otyrmyn, – deıdi Danııl.

D.Fılımonov – World Robot Olympiad 2019 halyqaralyq kezeńinde «Open Senior» sanatynda úshinshi oryn, sondaı-aq, robototehnıka boıynsha respýblıkalyq olımpıadanyń altyn medaldarynyń (2018, 2019), ǵaryshtyq zertteýler boıynsha halyqaralyq jarystyń birinshi dárejeli dıplomynyń (2019), «Ǵarysh. Ǵylym. Intellekt» Naýryz kezdesýleriniń ekinshi dárejeli dıplomynyń (2019) ıegeri.

Danııl óz tobymen birge robototehnıka boıynsha 10-nan astam tegin onlaın kýrsyn, 25 saǵattyq sabaqty, 6 vebınardy ázirledi, sondaı-aq, Kornell jáne Mıchıgan ýnıversıtetteriniń júzdegen qosymsha materıaldaryn daıyndady.

Oqytý kez-kelgen daıyndyq deńgeıi bar qatysýshylarǵa arnalǵan. Robototehnıka negizderinen bastap neırondyq jelilerge deıin, praktıkada quraldarmen jumys isteý úshin, tipti, oqytýshylarǵa arnalǵan materıaldardy da qamtıdy. Sondaı-aq, platformada progresti baqylaýǵa arnalǵan úı tapsyrmalary men testter bar. Materıaldar qazaq jáne orys tilderinde de qoljetimdi.

Kýrs negizin qalaýshy Anton Morgýnov bolyp tabylatyn «Beyond Curriculum» qoǵamdyq qorynyń qoldaýymen quryldy. Anton – Taldyqorǵan qalasyndaǵy Nazarbaev Zııatkerlik mektebiniń 2017 jylǵy túlegi, hımııa páninen halyqaralyq jáne respýblıkalyq olımpıadalardyń birneshe dúrkin jeńimpazy jáne júldegeri, búginde MIT (Massachýsets tehnologııalyq ınstıtýty) Hımııa jáne bıologııa fakýltetiniń stýdenti.

Beyond Curriculum – matematıka, fızıka, hımııa, bıologııa, geografııa pánderinen tegin bilim alýǵa múmkindik beretin bilim berý platformasy.

Pikirler