Biylǧy Qūrban aitta maldy jön-josyqsyz soimai, bar maldy saqtap qalu jäne jinalǧan qarajatty quaŋşylyq bolyp jatqan Maŋǧystau men Qyzylorda oblystaryna kömek retınde beruge pätua şyǧaru turaly Bas müftige ūsynys jasaldy dep habarlaidy "Adyrna" ūlttyq portaly.
Bas müftige mūndai ūsynysty "Qazaqstan" ūlttyq telearnasynyŋ "Aşyq alaŋ" baǧdarlamasynda Ūlttyq mal ösıruşıler qauymdastyǧynyŋ töraǧasy Almasbek Sadyrbaev joldady.
— Alda Qūrban ait kele jatyr. Bız sadaqamyzdy berdık. Qazır bırqatar öŋırlerde mal qyrylyp jatyr. Osy aitta jinalǧan qarajatty quaŋşylyq bolyp jatqan Maŋǧystau men Qyzylorda oblystaryna jıbereiık. Bas müftige biyl jön-josyqsyz mal soimai, bar malymyzdy saqtap qalu üşın pätua şyǧaru turaly ūsynys bıldıremın. Osyndai qiyn kezeŋde ölıp jatqan qūlyndardy, analyq maldy alyp qalaiyq. Ysyrap demeimın, degenmen biyl mūny toqtatu kerek. Sebebı būl da kömek bolar edı Maŋǧystau men Qyzylordaǧa, — dedı Almasbek Sadyrbaev.
Aita ketu kerek, biyl quaŋşylyqtyŋ kesırınen Maŋǧystauda 1147, Qyzylorda oblysynda 492 bas mal ölgen. Osy oraida biyl mal azyǧyn daiyndaudy jüzege asyruǧa memleketten 1,9 mlrd teŋge qarjy bölıngen.
"Adyrna" ūlttyq portaly.
