16 şıldede qazaqstandyq olimpiadalyq qūramanyŋ negızgı bölıgı Japoniiaǧa attandy, dep habarlaidy "Adyrna" ūlttyq portaly.
Almatydan alǧaşqy reispen 128 adam attandy: sportşylar, jattyqtyruşylar, därıgerler, kürdelı ǧylymi toptardyŋ müşelerı jäne Olimpiadadaǧy Qazaqstan Missiiasynyŋ qyzmetkerlerı.
Karateşıler, sadaqşylar, üstel tennisı jäne semserlesu komandalary, auyr atletter men boksşylar Tokioǧa "Aqbūlaq" olimpiada bazasynan jolǧa şyqty. Jüzuşıler, su polo oiynşylary, jeŋıl atletter, velosipedşıler, oq atu komandalary men dziudoşylar qalǧan ekı jattyǧu bazasynan şyqty.
Sportşylar ekı aptalyq karantinnen jäne Almaty qalasy men Almaty oblysynda ötken oqu-jattyǧu jiyndarynan öttı.
"Bız Olimpiada oiyndaryna sportşylardyŋ qauıpsız türde qatysuy üşın HOK pen Tokio-2020 ūiymdastyru komitetınıŋ barlyq şarttaryn oryndaimyz. Ūlttyq Olimpiada komitetı, Ūlttyq federasiialar sportşylardyŋ densaulyǧyna qauıp töndırmei, sapaly daiyndaluy üşın barlyq mümkındıktı jasady. Bızdıŋ komandadaǧy 96 sportşy - būl jalpy küş-jıgerımızdıŋ nätijesı, qol jetkızuge bolatyn maksimum. Bız sportşylar men jattyqtyruşylarǧa, sport därıgerlerıne adal jäne üilesımdı jūmysy üşın alǧys aitamyz", dep habarlady Ūlttyq Olimpiada komitetı.Delegasiianyŋ bırınşı bölıgı charterlık reispen Almatydan Tokioǧa erekşe qauıpsızdık şaralarymen ūşty. Delegasiia, äuejai qyzmetkerlerı men aviakompaniia arasyndaǧy bailanystar minimaldy deŋgeide saqtalady. Barlyq aviasiialyq personal ekı ret PTR synaǧynan öttı. Ekınşı reiste 28 şıldede öner körsetu kestesıne säikes baluandar, körkem gimnastika, körkem jüzu, bessaiys boiynşa komandalar jäne keibır sportşylar, jalpy alǧanda - 43 adam Japoniiaǧa attanady. Olimpiada oiyndaryndaǧy Qazaqstannyŋ missiiasy Japoniiada 8 şıldeden bastap jūmys ısteidı. Qazaqstan Elşılıgı men Syrtqy ıster ministrlıgınıŋ qoldauymen sportşylarmen kezdesuge barlyǧy dap-daiyn. Onyŋ ışınde jattyǧuǧa arnalǧan qosymşa jabdyqtar da bar. Barlyǧy Qazaqstannyŋ olimpiadalyq qūramyna 97 lisenziia jeŋıp alǧan 96 sportşy kıredı. Olimpiadanyŋ aşylu saltanaty Tokio stadionynda 23 şıldede Nūr-Sūltan uaqytymen saǧat 17-de bastalady.
"Adyrna" ūlttyq portaly
Ūqsas jaŋalyqtar
