Saqaldary salańdap, dambaldary dalańdap duǵada júretinderdiń arqasynda medalsiz qaldyq - Aıgúl Orynbek

3494
Adyrna.kz Telegram

Saqaldary salańdap, dambaldary dalańdap duǵada júretinderdiń arqasynda medalsiz qaldyq. Kezinde sportty sáláfızm jáılamaı turyp, ulttyq rýh, namys qandarynda qaınap turǵanda sportshylarymyz júldemen oralǵan edi, dep jazady bloger Aıgúl Orynbek.

Sportqa "duǵada bolaıyq" deıtinder kirgeli, sportshylar rýhsyz bolyp qaldy.

Halyqtyń emes, Allanyń aldynda jaýap beremiz jeńilsek jeńile bereıik dep oılaıtyn shyǵar! "Qańǵyp júrgen ózbekter" dep kórshilerdi mensinbeıtin edik, saqaldylardy túbimen joıyp, namysshyldyq pen otansúıgishtiktiń arqasynda Olımpıada oıyndarynda altyndar alyp, bizden ozyp otyr. Buryn mundaı bolǵan emes!

Blogerdiń jazýynsha, sport jaıly murnyna ısi barmaıtyn adamdar, sport salasyn basqaryp otyr.

“Aýyl aımaqta namysty jastar joq emes, bar. Olardyń darynyn, namysyn oıatyp jeteleıtin chempıondar men bapkerlerdi basshylyq qyzmetke alyp kelmeıdi. Sebebi ákimderge sportty damytatyn emes, sporttan paıda kóretin adamdar yńǵaıly! Mysal retinde Túrkistan oblysy sport basqarmasynyń burynǵy qyzmetkerleri sportshylardyń tamaǵynan, jarystarǵa arnalǵan qarajattaryn jegen degen aıyppen jaqynda qamaýǵa alyndy! Tıyn teben emes, mıllıondar jelingen…

"Duǵada bolaıyq" deıtinderdi emes, "Otanǵa qyzmet eteıik" deıtin jastardy tárbıeleıik, deıdi ol.

Pikirler