Petropavlda kämeletke tolmaǧan 9 jäne 13 jastaǧy ekı qyz pedofilderdıŋ qūrbany boldy. Būl turaly “Adyrna” ūltttyq portaly habarlaidy.
Soltüstık Qazaqstan oblysy PD mälımetınşe, 3 tamyz künı 9 jastaǧy balaǧa qatysty seksualdyq sipattaǧy zorlyq-zombylyq äreketterın jasady degen küdıkpen oblys ortalyǧynyŋ būryn sottalǧan tūrǧyny ūstaldy. Osy derekke qatysty qylmystyq ıs qozǧaldy.
“Atalǧan faktı "Jas balaǧa qatysty jasalǧan seksualdyq sipattaǧy zorlyq-zombylyq äreketterı" boiynşa Sotqa deiıngı tergep-tekserulerdıŋ bıryŋǧai tızılımıne engızıldı. Küdıktı uaqytşa ūstau izoliatoryna qamaldy. Tergeu jürgızılıp jatyr”, – delıngen PD habarlamasynda.Ökınışke qarai, atalǧan ekınşı oqiǧa keşe bolǧan. WhatsApp-ta ata-analar chattarynda keşke qarai pedofildıŋ jas qyzdy zorlaǧandyǧy jaiynda eskertken jazbalar tarady. Poliseiler būl oqiǧanyŋ da oryn alǧanyn rastady.
“Faktı QR Qylmystyq kodeksınıŋ 121-babynyŋ 4-bölıgı boiynşa sotqa deiıngı tergep-tekserulerdıŋ bıryŋǧai tızılımıne engızıldı. Qazırgı uaqytta kınälı tūlǧany anyqtau jäne ūstau boiynşa jedel-ızdestıru ıs-şaralary jürgızılıp jatyr”, – dedı PD ökılderı.
Ūqsas jaŋalyqtar
