M.Äuezov atyndaǧy Qazaq Memlekettık akademiialyq drama teatrynda «Jüregımnıŋ İesı» atty psihofizikalyq qoiylymnyŋ premerasy öttı.
Jas dramaturg Aidana Alamannyŋ pesasy boiynşa jas rejisser Aridaş Ospanbaeva sahnalaǧan qoiylymda boijetkenderdıŋ tūrmys qūru mäselesın alǧa tartady. Qūrby qyzdar Dariǧa men Jansaianyŋ taǧdyry arqyly ömır aǧymyna ılesken qyz-kelınşekterdıŋ jai-küiın suretteidı:
Dariǧa boijetken şaǧynan asyp ketse de qiialyndaǧy azamatty ızdeuden jalyqqan emes. Ümıttı. Qaisar. Aldyna aiqyn maqsat qoiǧan. Bıraq, taǧdyr öz degenın ıstededı emes pe!? Bıldei bır mekemenıŋ basşysy bolǧanymen, ekınşı jartysyn taba almai keledı. Jıgıtı joqtyqtan emes, talǧamyna sai bolmauynan.
Jansaia jastyq şaǧynda tūrmys qūrǧan bala-şaǧaly kelınşek.
Qoiylymnyŋ eŋ basty şarty körermendı sendıre bılu desek, akterlerdıŋ şeberlık deŋgeiıne aitar söz joq. Tek keibır tūstarda ǧana beiädeptık körınıster oryn aldy. Bıraq, ol körınıster är adamnyŋ sana deŋgeiındegı qabyldauyna bailanysty dünie ekenı aidan anyq. Kökeige kelgen osy saual men pesa turaly dramaturg pen qoiuşy-rejisserge qoiǧan edık.
Aridaş Ospanbaeva, qoiuşy-rejisser: –Sahnadaǧy anaiylyq körınıstı Charlin Chaplinnıŋ qyzyna (balerina bolǧan) jazǧan hatymen mysal eteiın. Chaplin sol hatynda «qyzym, sen sahnada jasaǧan dünieŋdı ömırde körsetpe» degen eken. Al bızde bärı kerısınşe. Ömırde körsetedı bıraq, sahnada ıstei almaidy. Bız, sahnada osyndai körınısterdı qoiu arqyly ömırde mūndai qadamǧa baruǧa bolmaitynyn aitqymyz keldı. Ömır bolǧan ärtürlı jaǧai bolady. Bırde jolyŋ bolmady eken dep, ümıtıŋı üzuge bolmaidy. Qoiylymnyŋ negızgı tüiını osy jerde. Sony qandaida bır jolmen jetkızdık dep oilaimyn. Aidana Alaman, dramaturg: –Qazırgı zamandaǧy qyzdardyŋ közqarasy ekı topqa bölıngen dep oilaimyn. Osy ekı kereǧar pıkırdıŋ qaqtyǧysy retınde dramatugiialyq konflikt jasaǧym keldı. Pesany 23 jasymda jazdym. Ol kezde «kärı qyz» degen atau bır qaraǧanda qorqyta bermeitın. Bıraq, men sol kezden bastap oilanatynmyn. Sebebı, Ǧylym akademiiasynda jūmys jasaǧanyma bes jyldai bolyp qaldy. Ökınışke qarai sonda jürıp, ainalamyzdaǧy «otyrǧan» qyzdardy körıp, olardy tüsınıp, özımnıŋ de bolaşaqqa degen qorqynyşymnan tuǧan şyǧarma boldy.
Jasūlan NAURYZÄLI
