Beibarystyŋ oiuy
Kair qalasyndaǧy 970 jyldary aşylǧan Äl-äzhar universitetınıŋ meşıtın aralap jürgenımde esıkterınıŋ töbesındegı myna qazaqy oiu-örnekterdı körıp taŋ-tamaşa boldym. Söitsem būlardy Beibarys Sūltan 1260 jyldary meşıtke restavrasiia jasatqanda qoidyrypty.
...Qairan babam, men senı tek jürek jūtqan batyr bolǧan şyǧar dep jürsem, sol jūtqan jüregıŋde elıŋe degen saǧynyşty aialai bılgen romantik te bolǧan ekensıŋ ǧoi. Būl oiulardy ne üşın jasattyŋ? Meşıtke kırgen saiyn qoşqar müiız oiulardy körıp saǧynyşyŋdy basqyŋ keldı me? Älde būl oiular tübı kım ekenımdı, qaidan kelgenımdı ūmyttyrmaityn estelık bolsyn dep jasattyŋ ba? Bälkım būl oiu-örnekter araǧa ǧasyrlar salyp Deştı-Qypşaq dalasynan senı joqtap keletın ūrpaǧyŋa qaldyrǧan hatyŋ şyǧar?...
Keşeden berı oiymnan ketpei qoidy. Bügın kündız baryp videoǧa da tüsırıp aldym. Meşıttı jalǧyz jürıp, jaqsylap araladym. Meşıttıŋ kümbezı, mūnarasy bır töbe bolsa, oiu-örnekterı bır töbe.
- S. Ruhani imunitet qoi, iä? Bır elge qūl bolyp kelesıŋ de jyldar ötken soŋ sol eldıŋ patşasy atanasyŋ. Söitıp qandai da bır qūrylys bastala qalsa säuletşıge ǧimarattarǧa qazaqşa oiu-örnekterdı saludy būiyrasyŋ.
Roman BŪRQAŞTYŊ
feisbuk paraqşasynan
Ūqsas jaŋalyqtar
