NIS-tiń tikeleı efırinde – muǵalimderdi ádistemelik qoldaý

2065
Adyrna.kz Telegram

Bıyl alǵash ret elimizdiń árbir muǵalimi jyldyń bas pedagogıkalyq keńesine qosylýǵa múmkindik alyp otyr. Búginde NIS-tiń ortalyq keńsesinde tikeleı efır arqyly aýqymdy konferenııanyń pándik sessııalary el aýmaǵyna taralatyn eki telestýdııa úzdiksiz jumys isteýde. Muǵalim tájirıbesin ádistemelik qoldaý – jańa jaǵdaıdaǵy bilim berý týraly kásibı oıtalqynyń ózegi.

9-17 tamyz aralyǵynda ótetin dástúrli tamyz konferenııasy aıasynda qazaq jáne orys tilderinde on bes pán boıynsha taqyryptyq sessııalar, sondaı-aq kitaphanashylar sessııasy josparlanǵan. «Nazarbaev Zııatkerlik mektepteri» DBBU, jetekshi jáne pılottyq mektepterdiń pedagogteri onlaın formatta vebınarlar, sheberlik sabaqtar men prezentaııalar ótkizedi, halyqaralyq sarapshylardyń eksperttik pikirleri usynylady, sondaı-aq Y. Altynsarın atyndaǵy Ulttyq Bilim akademııasy jańa oqý jylynda oqý-tárbıe úderisin uıymdastyrýǵa qatysty usynystaryn bildiredi. Qazirgi tańda pedagogter úshin eń ózekti basymdyqtardyń biri – pán aıasynda fýnkıonaldyq saýattylyqty qalyptastyrý, sondaı-aq aǵymdaǵy jáne qorytyndy baǵalaýdyń formaty men mazmuny.

Onlaın-keńestiń alǵashqy kúni elimizdiń ár óńirinen ondaǵan myń pedagog jınaldy. Pándik sessııalar bastaýysh synyp muǵalimderi men «Jaratylystaný» pánine arnaldy. Tikeleı Efır EYDU-nyń «Bilim berý 2030» kompasyn tamashalaýdan bastalyp, mektep tabaldyryǵyn endi ǵana attamaq Aızere Qaıratbek pen Samına Seıtbekovanyń suraq-jaýap suhbatymen jalǵasyn tapty. Olar NIS telestýdııasyna ózderiniń armandaǵan mektepteri týraly oı bólisý úshin keldi. Bastaýysh synyp muǵalimderine arnalǵan pándik sessııanynyń shymyldyǵyn bolashaq mektep oqýshylary túrdi. Aızere men Samına jańa ómirge jeteleýshi bolashaq ustazdarynyń qandaı bolatynyn elestetip, bala armandarymen bólisti.

Sarapshylar jańa oqý jylyna arnalǵan mindetterdi, aǵymdyq jáne qorytyndy baǵalaýdyń formaty men mazmunyn, oqýshylardyń fýnkıonaldyq saýattylyǵyn qalyptastyrýdy taldady, al zııatkerlik jáne jalpy bilim beretin mektepterdiń muǵalimderi sheberlik synyptaryn daıyndady. Spıkerler arasynda Pedagogıkalyq sheberlik ortalyǵynyń ókilderi: bastaýysh mektep pánderi boıynsha oqý baǵdarlamalaryn jasaýshy, mektepke deıingi jáne bastaýysh bilim berý bóliminiń bastyǵy Qalamqas Baıtenova, aǵa menedjerler Natalıa Orehova men Gúlmıra Jaqypova, sondaı-aq Ybyraı Altynsarın atyndaǵy Ulttyq bilim akademııasynyń JMB jáne STEM-tehnologııalar pánderi zerthanasynyń bas ǵylymı qyzmetkeri Ordenbek Mazbaev, Pavlodar qalasyndaǵy NIS-tiń óner muǵalimi Dınara Qabıeva jáne basqalary boldy.

Onlaın-konferenııaǵa Almaty oblysy Tekeli qalasynan qosylǵan №8 orta mekteptiń bastaýysh synyp muǵalimi Gúlnar Musabekova pándik sessııa barysynda odan ári jumys isteý úshin kóptegen jańa bilim men ıdeıalardyń tusbaǵdaryn tapqanyn aıtady:

 Karantındik shekteýlerden týyndaǵan qıyndyqtarǵa qaramastan úlgerim deńgeıin tıisti dárejede ustap turý  múmkindigine ıe boldyq . Bastaýysh synyp muǵalimderine arnalǵan konferenııa aldaǵy oqý jylynda ádettegi oqytý formatyna oralýǵa daıyndalýǵa óz septigin tıgizeri anyq, – dep pikir bildirdi Gúlnar Musabekova.

Qaratal aýdany Qoshqarbaev atyndaǵy orta mekteptiń jaratylystaný páni muǵalimi Alısher Sovetbaev NIS-ke konferenııanyń mazmundy ádistemelik bólimi úshin alǵysyn bildirip, oqytýdaǵy olqylyqtardyń ornyn toltyrý boıynsha sarapshylar keńesi barlyq múmkin qıyndyqtardy eńserýge jáne oqý proesin qalypty rejımde senimdi túrde jalǵastyrýǵa kómektesetinin aıtty.

Pándik sessııalardyń ekinshi kúniniń basty nazarynda – mýzyka, kórkem eńbek jáne dene shynyqtyrý muǵalimderi boldy.

Sarapshylar mýzykalyq, ıfrlyq jáne aqparattyq saýattylyqtyń biregeı qosyndysy týraly oı qozǵap, saýattylyqty durys damyta otyryp, mýzykany tyńdaý jáne oryndaý ulttyq jáne álemdik mádenıettiń qundylyǵyn túsinýge kómektesedi degen qorytyndyǵa keldi. Kórkem eńbek sabaqtarynda ádemilik pen náziktik sezimi qalyptasady. Óner salasyndaǵy sarapshylardyń pikirinshe, balalardyń shyǵarmashylyq qabiletterin damytý muǵalimniń shyǵarmashylyǵyna tikeleı baılanysty.

Sheberlik sabaqtary barysynda NIS-tiń  pán muǵalimderi – Álııa Kaıdarova, Almıra Danııarova, Gaýhar Qaıyrbaeva jáne Sáýle Ahmetqalıeva, sondaı-aq jalpy bilim beretin mektepterdiń pedagogteri Iýlııa Berezko, Zeınolla Hasenov jáne Muhametqan Ahmetjanov óz bilimderimen bólisti.

Shymkenttegi fızıka-matematıka baǵytyndaǵy NIS-tiń dene shynyqtyrý pániniń muǵalimi,  «Úzdik pedagog – 2019» respýblıkalyq baıqaýynyń jeńimpazy Erbol Tileýlov sheberlik sabaǵy  barysynda dene shynyqtyrý sabaqtarynda fýnkıonaldyq saýattylyqty damytýǵa bolatynyn jáne qajet ekenin kórsetti.

Óz deneńmen úılesimdi ómir súrý – deni saý adamnyń salaýatty ómiriniń mindetti komponenti. Bul qaǵıdany qozǵalys belsendiligi, salaýatty ómir salty jáne qozǵalys daǵdylary arqyly synı oılaýdy damytýǵa negizdelgen oqý baǵdarlamasynyń basty baǵyty aıqyndaı túsedi, – deıdi Erbol Ernstovıch.

Segiz myńnan astam dene shynyqtyrý muǵalimderi jańa oqý jylynda óz sabaqtarynda osy quraldardy qalaı qoldaný kerektigi týraly kórneki túsinik aldy.

El pedagogterine arnalǵan tamyz konferenııasynyń úshinshi kúniniń fokýsyn – fılologtarǵa arnalǵan pándik sessııalar qurady.

Jıyrma myńnan astam pán muǵalimderi pedagogıkalyq qoǵamdastyq úshin ózekti taqyryptardy talqylap, sarapshy áriptesteriniń sheberlik sabaqtaryna qatysý úshin qazaq, orys jáne aǵylshyn tilderinen onlaın konferenııaǵa qosyldy.

Fılologtar oqýshylardyń oqý saýattylyǵyn damytý josparlaryn taldady, óıtkeni ártúrli mátinderdi túsinip oqyp, qoıylǵan mindetterdi sheshý úshin aqparatty paıdalaný qabileti 21 ǵasyrdaǵy adamnyń mańyzdy quzyretteriniń biri bolyp tabylady. Qazirgi adamdardyń taǵy bir mańyzdy sheberligi – úlken kólemde aqparatpen jumys isteý.

Men oqýshylardyń saýattylyǵyn damytý ádisteri týraly suraqtarǵa jaýap aldym. Mátinmen jumys isteý úshin berilgen tapsyrmalar men avtorlardyń usynystary paıdaly boldy. Aıta ketý kerek, aqparat pen qaralǵan materıaldar maǵan óz kózqarastarymdy taǵy bir ret qaıta qarap, ishki dúrbeleńnen arylýǵa, ózimdi senimdi sezinýge, fýnkıonaldyq saýattylyq týraly úzik bilimdi júıege keltirýge jáne óz tájirıbemdi odan ári jetildirýdiń jolyn kórýge múmkindik berdi, – dep óz áserimen bólisti Qaraǵandy oblysy Qarqaraly aýdany №2 orta mekteptiń orys tili men ádebıeti pániniń muǵalimi Araı Tobyqova.

Kelesi kezekte onlaın-konferenııanyń tikeleı efırindegi sessııalar matematıka, ınformatıka, fızıka, hımııa, bıologııa,  geografııa, Qazaqstan tarıhy, Dúnıejúzi tarıhy pánderiniń muǵalimderine arnalmaq. Aýqymdy pedkeńes kitaphanashylarǵa arnalǵan sekııamen qorytyndylanatyn bolady.

Aıta ketý kerek, jyldyń basty pedagogıkalyq jıyny oqý úderisinde oqýshylardyń boıynda fýnkıonaldyq saýattylyqty qalyptastyrý joldaryn, mektep qaýymdastyǵyndaǵy oqýshylardyń qaýipsizdigi men ál-aýqaty máselelerin, aǵymdaǵy jáne qorytyndy baǵalaýdyń formaty men mazmunyn, kovıdten keıingi kezeńdegi oqý úderisiniń erekshelikterin, bilim berý salasyn ıfrlandyrýdyń mańyzyn, bilim berýdegi jasandy ıntellektiniń múmkindikteri, jańa oqý jylynda oqý-tárbıe úderisin uıymdastyrýdyń erekshelikterin kásibı oıtalqy ózegine aınaldyrdy.

 Bıylǵy tamyz keńesi erekshe formatta ótýde. Eń bastysy jańa oqý jylynyń erekshelikteri men ár ustazdyń kókeıinde júrgen suraqtarǵa jaýap alyndy. Oqýshylardyń qabiletterine qaraı júrgiziletin jumystarǵa jekeleı toqtala otyryp, praktıkalyq túrde kórsetildi. Konferenııa barysynda oı bólisken ár maman óz is-tájirıbesin úlken daıyndyqpen jınaqtaı kelip, ár ustazdyń júregine jol taba bildi dep oılaımyn, – deıdi Álkeı Marǵulan atyndaǵy №40 mektep-lıeıi dırektorynyń oqý-tárbıe isi jónindegi orynbasary Jumagúl Esil.

Esterińizge sala ketsek, elimizdiń ustazdar qaýymy asyǵa kútken dástúrli tamyz keńesiniń sekııalyq otyrystary NISTamyzConf2021 Youtube arnasynda qazaq jáne orys tilderinde kúndelikti taralýda. Sonymen qatar, «Nazarbaev Zııatkerlik mektepteri» DBBU resmı ınternet resýrstarynda konferenııaǵa elimizdiń túkpir-túkpirinen qosylǵan pedagogterdiń beıne pikirleri men keri baılanystary jarııalanýda.

 

 

 

Pikirler
Uqsas jańalyqtar