Qostanaidyŋ tūrǧyndary osyndai jantürşıgerlık äreketke kuä boldy, dep habarlaidy EK.
Būl turaly özınıŋ Instagram paraqşasynda Qostanaidyŋ tūrǧyny Evgeniia Artanj jariialaǧan. Onyŋ aituynşa, būl oqiǧa Urojainaia köşesındegı alty qabatty üidıŋ qasynda, demalys künderı bolǧan.
"İttıŋ janyn qoiarǧa jer tappai qyŋsylaǧan dauysy aulany jaŋǧyrtty. Tūrǧyndardyŋ bärı üreiı ūşyp, syrtqa atyp şyqty. Üş eresek adam, ışınde bızdıŋ aulada tūratyn zeinetker de bar, alty qabatty üidıŋ qasynda qapşyqty balǧamen ūrǧylap jatqanyn kördık. Tūrǧyndar polisiia şaqyryp, ittı qūtqarmaq boldy. Alaida, olar ittı öltırıp tastady. "Mūnyŋyz ne?" degen bızge iesı: "būl tauyq jep jür" dep qysqa qaiyrdy, — dep jazady Evgeniia.Beinejazbada er adamdardyŋ ittı qalai azaptap öltırgenı tüsırılmegen. Alaida qoldaryna balǧa ūstap, qapşyqqa salyp äketıp bara jatqanyn anyq köruge bolady. Oqiǧa kuägerı qyz bala adamdardyŋ mūnşalyqty jauyzdyǧynan jany türşıkkenın aitady. Polisiia departamentı material tırkelgenın mälımdedı. Qazırgı taŋda uchaskelık polisiia qyzmetkerı olardy jauapqa tartu üşın beinejazbadaǧy adamdardyŋ jeke basyn anyqtap jatyr, — deidı oblystyq PD baspasöz qyzmetı.
Ūqsas jaŋalyqtar
