Búgin Memleket basshysy Qasym-Jomart Toqaev halyqqa joldaýynda eldegi azyq-túlik jaǵdaıyna qatysty túsinikteme berdi, dep habarlaıdy "Adyrna" ulttyq portaly.
Onyń aıtýynsha, agrarlyq sektorda: baǵanyń tıimsizdigi jáne azyq -túlik taýarlarynyń taralýy syndy kóptegen problemalar bar.
-Men buǵan deıin kóterme-taratý ortalyqtary jelisin qurýdyń mańyzdylyǵy týraly aıtqan bolatynmyn. Bul tapsyrma qazir iske asyrylý satysynda. Shaǵyn aýyl sharýashylyǵy ónimderin óndirýshilerdiń qoljetimdiligin qamtamasyz etý mańyzdy", — dedi Toqaev.
Ol atalǵan naryqta monopolııalanýǵa jol berilmeıtinin aıtty. Bizge óndirýshi tarapynan tizbek boıyndaǵy baǵalarǵa biryńǵaı baqylaý qajet ekenin atap ótti.
Atap keteıik, osy jyldyń jazynda Qazaqstanda azyq-túlik baǵasy kúrt qymbattaǵan bolatyn. Bir jyl ishinde sábiz men qyzylsha eki ese qymbattady, al kartop sheteldik banandardyń baǵasyna turarlyq. Sonymen birge, osydan bir aı buryn Aýyl sharýashylyǵy mınıstrligi elde kartop jetkilikti dep málimdedi, óıtkeni qory 70 myń tonnadan asatynyn tilge tıek etti. Kókónister úkimettiń qoldaýyna qaramastan taǵy segiz paıyzǵa qymbattady.
"Adyrna" ulttyq portaly
