Şymkent qalasynda memlekettık bılım beru baǧdarlamasy tabysty jüzege asyp jatyr. Biylǧy jaŋa oqu jylynda qalada 20 jaŋa mektep aşylyp, 2 mekteptıŋ qosymşa korpusy aiaqtalyp, apatty mektepter joiylyp, üş auysymdy mektep sany 14-ten 9 mektepke azaidy. Jyl soŋyna deiın taǧy 4 jaŋa mektep aşylady.
«Memleket basşysynyŋ tapsyrmasy aiasynda Şymkent qalasynda bılım beru infraqūrylymy qarqyndy damyp keledı, – dedı qala äkımı Mūrat Äitenov «Tūran» şaǧyn audanynda salynǧan jaŋa mekteppen tanysu barysynda.
Aita keteiık, pandemiiaǧa bailanysty alǧaşqy qoŋyrau bılım tabaldyryǧyn alǧaş attaǧan büldırşınder üşın ǧana mektep aulasynda saltanatty jiyn öttı, qalǧan synyp oquşylaryna sanitarlyq talaptardy saqtai otyryp synyp saǧaty ūiymdastyryldy.
– Biylǧy jaŋa oqu jyly Täuelsızdıgımızdıŋ 30 jyldyq mereitoiy qarsaŋynda bastalǧaly otyr. Täuelsızdık jyldarynda Şymkent qalasynyŋ bılım salasy ülken jetıstıkterge jettı. Osydan otyz jyl būryn qalada 69 myŋ oquşysy bar 72 mektep bolsa, qazır 233 myŋnan asa oquşy oqityn 203 mektep bar. Biylǧy jaŋa oqu jylyn qala mektepterı 233 879 oquşymen bastady. Ötken jylmen salystyrǧanda 8 myŋ oquşyǧa köp. Onyŋ ışınde 25 myŋ oquşy alǧaş ret mektep tabaldyryǧyn attap otyr. 2025 jylǧa deiın 72 mektep salu josparlanǧan bolatyn. Sonyŋ ışınde 24 mektep biyl qarastyrylǧan, onyŋ 20-sy oqu jylynyŋ basynda aşylyp otyr. Sonymen bırge 2 mektepke qosymşa korpus salyndy. Jyl soŋyna deiın taǧy 4 mektep aiaqtaluǧa tiıs. Biylǧy jaŋa oqu jylyn apatty mektepsız bastap otyrmyz. 2023 jylǧa deiın qalada üş auysymdy mektep mäselesı tolyq şeşıledı», – dedı äkım öz qūttyqtau sözınde.Barşa ūstazdar men şäkırtterdı Bılım künımen jäne jaŋa mekteptıŋ aşyluymen qūttyqtaǧan qala basşysy mektep tabaldyryǧyn alǧaş ret attap otyrǧan bırınşı synyptyŋ büldırşınderıne sättılık tılep, olarǧa älıppe tabystady. Äkım balalardyŋ qauıpsızdıgın qamtamasyz etu üşın mektepter video baqylau jüisımen jabdyqtalyp, turniketter qoiylyp, dabyl batyrmalary ornatylǧanyn, mektepterdıŋ materialdyq-tehnikalyq bazasyn nyǧaitu boiynşa jūmystar jüielı türde jürgızılıp keletının aitty. Sonymen bırge jaŋa modifikasiialanǧan jabdyqtarmen qamtamasyz etu maqsatynda 263 kabinet, 178 interaktivtı taqta ornatu jūmystary jürgızıldı. Nätijesınde, jaŋa modifikasiialanǧan jabdyqtarmen qamtylǧan pän kabinetter ülesı 32,5%-dan 65%-ǧa jettı. Būl jūmystar jalǧasyn tabatyn bolady. Qala äkımı 1200 oryndyq oqu keşenın ardagerlermen bırge aralady. Abai synyby, STEM-kabinetı, şahmat būryşy, eŋbek şerberhanalarymen tanysty. Qūrylystyŋ sapasy men dizainyna män bergen Mūrat Äitenov jaŋa mektepke oŋ baǧasyn berıp, mektep direktoryna sanitarlyq şaralardyŋ saqtaluyn qamtamasyz etudı tapsyrdy.
Aita keteiık, pandemiiaǧa bailanysty alǧaşqy qoŋyrau bılım tabaldyryǧyn alǧaş attaǧan büldırşınder üşın ǧana mektep aulasynda saltanatty jiyn öttı, qalǧan synyp oquşylaryna sanitarlyq talaptardy saqtai otyryp synyp saǧaty ūiymdastyryldy.
Şymkent qalasy äkımdıgınıŋ baspasöz qyzmetı
