Qaraǵandy oblysy, Temirtaý qalasynda júk kóliginiń júrgizýshisi áıelimen janjaldasqannan keıin, óz-ózine qol jumsaýǵa áreket jasady, dep habarlaıdy "Adyrna" ulttyq portaly "Vechernıaıa Karaganda" Telegram-arnasyna silteme jasap.
Oqıǵa Buqar Jyraý aýdanyndaǵy Mustafın atyndaǵy aýylda oryn aldy. Júk túsirgishin aıdaǵan ashýly júrgizýshi aýyl turǵyndarynyń esin ábden shyǵaryp, kóligimen eldi mekendegi symdardy úzip ary-beri júrgen.
Záresi ketken túrǵyndar jedel túrde tártip saqshylaryn shaqyrǵan. Osydan soń er adam júk kótergishimen birge aýyldan qashyp ketedi. Turǵyndardyń shaqyrtýymen kelgen polıeıler aýyldan eki shaqyrym jerdegi daladan tártip buzýshyny tapty. Er adam avtomobılde ózin óltirmek bolǵany anyqtaldy.
Er adam ilmekten shyǵarylyp, jergilikti polıeıler men dárigerler 39 jastaǵy temirtaýlyq azamatty qutqaryp úlgerdi.
Belgili bolǵandaı, er adam ajyrasamyn dep qorqytqan áıelimen janjaldasqannan keıin osyndaı qadamǵa barýǵa sheshim qabyldaǵan. Endi azamat júrgizýshi kýáliginen aıyrylyp, zalaldy óteýge májbúr bolmaq.
"Adyrna" ulttyq portaly
