Nur-Sultan qalasynda belgili balýan, Olımpıada chempıony Jaqsylyq Úshkempirov eskertkishi ashyldy, dep habarlaıdy "Adyrna" ulttyq portaly.
Eskertkish sportshy qurmetine atalǵan jekpe-jek saraıy aýmaǵynda Qabanbaı batyr dańǵyly men Kereı, Jánibek handar kósheleriniń qıylysynda ornalasqan.
Ashylý saltanatyna mádenıet jáne sport mınıstri Aqtoty Raıymqulova qatysty. Sonymen qatar, shara qonaqtarynyń arasynan boksshy, Olımpıada chempıony Danııar Eleýsinov te boldy.
Jekpe-jek saraıy 2019 jyldyń 6 shildesinde ashylǵan. Bes myń kórermenge arnalǵan sport ǵımaratynda boks, kúres, dzıýdo, aýyr atletıka jáne basqa da olımpıadalyq, sondaı-aq Olımpıadaǵa kirmeıtin sport túrleri boıynsha halyqaralyq jarystar ótkizýge bolady. 2020 jyldyń jeltoqsanynda oǵan Jaqsylyq Úshkempirovtiń esimi berilgen.
Jaqsylyq Ámiráliuly Úshkempirov (shyn esimi Jaqsylyq Úshkempiruly Ámirálıev) 1951 jyly 6 mamyrda Dıhan aýyly Sverdlovsk aýdany Jambyl oblysynda dúnıege kelgen.
Ol grek-rım kúresiniń palýany, sport sheberi (1971), Halyqaralyq sport sheberi (1975), Eńbek sińirgen sport sheberi (1980), altyn medalge ıelengen qazaqtan shyqqan tuńǵysh Olımpıada chempıony (Máskeý, 1980), Álem chempıony (1981), álem kýbogynyń kúmis júldegeri (1982), eki dúrkin Keńes Odaǵynyń chempıony (1975, 1980), Qazaq KSR eńbek sińirgen jattyqtyrýshysy.
Esterińizge sala keteıik, Jaqsylyq Úshkempirov 2020 jyly 2 tamyzda 70 jasynda qaıtys bolǵan edi.
"Adyrna" ulttyq portaly
