Shymkent ákimi Murat Áıtenov sport kesheniniń jumysymen tanysty. Qalada jastar arasynda júzý men gımnastıka keń taraǵanyn aıtqan shahar basshysy mundaı sport keshenderin kóptep salý qajettigin jetkizdi.
«Shymkent» Ortalyq sý-sport kesheni Ál-Farabı aýdany, Qazıev kóshesi 2v mekenjaıynda ornalasqan. Munda júzýden oqý-jattyǵý jıyndary men sporttyq jarystar ótedi. Ortalyq sý kesheniniń jalpy aýdany 5555 sharshy metr. Júzý alańy, ashana, medıınalyq kabınet, trenajer zaly, 2 kıim aýystyratyn bólme, 725 kórermenge arnalǵan oryndyq bar. 2012 jyly paıdalanýǵa berilgen. Segiz júzý jolaǵy bar. Bir mezette 96 sportshyny qabyldaýǵa múmkindigi bar. Qala basshysy sý keshenine kelýshiler úshin, ásirese mektep oqýshylary úshin jeńildetilgen tarıfter qarastyryp, sanıtarlyq-gıgıenalyq talaptardyń qatań saqtalýyn tapsyrdy.
