Almaty oblysy boiynşa sybailas jemqorlyqqa qarsy qyzmet ökılderı biylǧy jyldyŋ segız aiyndaǧy jūmys qorytyndysyn jariia ettı. Būl turaly "Jetısu" gazetı "Antikor" ortalyǧynyŋ baspasöz qyzmetıne sılteme jasap habarlady.
QR Sybailas jemqorlyqqa qarsy ıs-qimyl agenttıgınıŋ (Sybailas jemqorlyqqa qarsy qyzmet) Almaty oblysy boiynşa departamentı basşysynyŋ bırınşı orynbasary Jandos Jūmabaev vedomstvonyŋ qyzmetı jäne aǧymdaǧy jyldyŋ 8 aiyndaǧy jūmys qorytyndylary turaly aityp berdı.
Eseptı brifing "Jurnalister üiı" ǧimaratynda öttı. Oǧan "Jetısu - adaldyq alaŋy" jobalyq keŋsesınıŋ jetekşısı Amanjol Jazyqbaev pen BAQ ökılderı, qoǧam belsendılerı qatysty.
Kezdesu oblystyŋ sybailas jemqorlyqqa qarsy qyzmet basşysy bırınşı orynbasarynyŋ sözınen bastaldy, onda ol aldyn alu jūmysynyŋ negızgı baǧyttary turaly aityp, öŋırdegı qylmystyq ısterdıŋ statistikasyn keltırdı.
Memleket basşysynyŋ tapsyrmasyn oryndau maqsatynda departament sybailas jemqorlyqtyŋ aldyn alu, sondai-aq daǧdarysqa qarsy şaralarǧa bölıngen qarajattyŋ maqsatty jūmsaluyn jedel süiemeldeu boiynşa şaralardy küşeittı. Sondai-aq, atalǧan departament ökılı sybailas jemqorlyq qūqyqbūzuşylyqtary turaly statistikany jaiyp saldy.
– "Qazaqstan Respublikasy Sybailas jemqorlyqqa qarsy ıs-qimyl agenttıgınıŋ Almaty oblysy boiynşa departamentı (Sybailas jemqorlyqqa qarsy qyzmet) 2021 jyldyŋ 8 aiynda 87 qylmystyq qūqyqbūzuşylyqty tırkedı, onyŋ ışınde 78,2 paiyzdan astamy nemese 68 qylmys sybailas jemqorlyq bolyp tabylady. Sybailas jemqorlyq qylmystaryn jasaǧany üşın 154 adam qylmystyq jauapkerşılıkke tartyldy, onyŋ ışınde 20 adam ärtürlı därejedegı bırınşı basşylar (oblystyq maŋyzy bar – 6, qalalyq – 5, audandyq – 7, auyldyq - 2). 69 memlekettık qyzmetker sottaldy, onyŋ ışınde 64 adam 116,9 million teŋge töŋıregınde aiyppūl töleidı, - dep atap öttı Jandos Jūmabaev.
Memlekettık satyp alu salasyndaǧy jariialylyq pen aşyqtyqty arttyru maqsatynda departament memlekettık satyp alu portalyna monitoring jürgızedı. 2021 jyldyŋ 8 aiynda departament memlekettık satyp alu monitoringın jürgızu kezınde Almaty oblysynyŋ biudjetın jalpy somasy 7 mlrd.500 mln.teŋgege ünemdedı.
Qorytyndylai kele, öŋırdıŋ Sybailas jemqorlyqqa qarsy qyzmet basşysynyŋ bırınşı orynbasary oblystyŋ barlyq azamattaryn oblystyŋ sybailas jemqorlyqqa qarsy qyzmetıne belsendı jügınuge, sondai-aq, sybailas jemqorlyqtyŋ kez kelgen körınısterıne müldem tözbeuşılıktı qalyptastyruǧa şaqyrdy.
