«Talıban» bergen ýádelerinde turmady. Sondaı-au onyń ishinde áıelder quqyǵyna qatystylary bar, dep málimdedi BUU. “Adyrna” ulttyq portaly Reuters agenttigine silteme jasap habarlaıdy.
BUU -nyń adam quqyqtary jónindegi Joǵarǵy komıssary Mıshel Bachelet Aýǵanstannyń Talıban bılikti qolyna alǵannan beri «jańa jáne qaýipti kezeńde» turǵanyn, bul eldegi kóptegen áıelder men etnıkalyq jáne dinı birlestikter músheleriniń qatty alańdaýshylyǵyn týdyryp otyrǵandyǵyn aıtty.
Bachelet «Talıban» úkimetiniń quramynda áıelderdiń joqtyǵyn jáne etnıkalyq pýshtýndardyń basym ekenin atap ótti.
«Talıban áıelder quqyǵyn qorǵaıdy degen senimderge qaramastan, sońǵy úsh apta ishinde áıelder birtindep qoǵamdyq ortadan shettetildi», - dedi ol Aýǵanstanǵa kómek kórsetý jónindegi halyqaralyq konferenııada.
BUU komıssarynyń aıtýynsha, keıbir jerlerde 12 jastan asqan qyzdarǵa mektepke barýǵa tyıym salyndy, al áıelder úıde bolýy tıis.
Ol sondaı -aq burynǵy úkimettiń sheneýnikteri men qaýipsizdik qyzmeti qyzmetkerlerine raqymshylyq jasaýǵa bergen ýádeleriniń de oryndalmaǵandyǵyn atap kórsetti.
”Adyrna” ulttyq portaly
