«Taliban» bergen uädelerınde tūrmady. Sondai-aū onyŋ ışınde äielder qūqyǧyna qatystylary bar, dep mälımdedı BŪŪ. “Adyrna” ūlttyq portaly Reuters agenttıgıne sılteme jasap habarlaidy.
BŪŪ -nyŋ adam qūqyqtary jönındegı Joǧarǧy komissary Mişel Bachelet Auǧanstannyŋ Taliban bilıktı qolyna alǧannan berı «jaŋa jäne qauıptı kezeŋde» tūrǧanyn, būl eldegı köptegen äielder men etnikalyq jäne dıni bırlestıkter müşelerınıŋ qatty alaŋdauşylyǧyn tudyryp otyrǧandyǧyn aitty.
Bachelet «Taliban» ükımetınıŋ qūramynda äielderdıŋ joqtyǧyn jäne etnikalyq puştundardyŋ basym ekenın atap öttı.
«Taliban äielder qūqyǧyn qorǧaidy degen senımderge qaramastan, soŋǧy üş apta ışınde äielder bırtındep qoǧamdyq ortadan şettetıldı», - dedı ol Auǧanstanǧa kömek körsetu jönındegı halyqaralyq konferensiiada.
BŪŪ komissarynyŋ aituynşa, keibır jerlerde 12 jastan asqan qyzdarǧa mektepke baruǧa tyiym salyndy, al äielder üide boluy tiıs.
Ol sondai -aq būrynǧy ükımettıŋ şeneunıkterı men qauıpsızdık qyzmetı qyzmetkerlerıne raqymşylyq jasauǧa bergen uädelerınıŋ de oryndalmaǧandyǧyn atap körsettı.
”Adyrna” ūlttyq portaly
